438.03
4.45
404.16
+8
Եղանակը Երևանում
Հայ

Հայաստանում պատմական հուշարձանների ուղեցույցներն առաջին անգամ մատչելի կլինեն նաև կույրերի համար

18:04
18 Հունիսի 2009

Առաջին անգամ Հայաստանում պատմական հուշարձանների ուղեցույցների տեղեկատվությունը մատչելի կլինի  նաև տեսողության խնդիրներ ունեցող և կույր մարդկանց համար, հինգշաբթի հայտնեց Հայկական հուշարձանների ճանաչման ծրագրի ղեկավար Ռիկ Նայը (Richar Ney) Հայաստանի Մրցունակ մասնավոր հատված ծրագրի (Competitive Armenian Private Sector – CAPS) շրջանակներում կազմակերպված Հայաստանում զբոսաշրջության մրցունակության բարձրացման թեմայով խորհրդակցության ժամանակ: 

«Հայաստանի մասին համապարփակ տեղեկատվության մատչելիությունը մեծ թվով արտասահմանցի զբոսաշրջիկների երկիր ներգրավելու գործում հաջողության հիմնական գրավականն է»,- նշեց Նայը:

Նա կարծում է, որ երկրի մասին գրագետ ու ճիշտ ձևակերպված տեղեկատվությունը և դրա մատչելիությունը զբոսաշրջության զարգացման հիմնական սկզբունքներից մեկն է:

Փորձագետի խոսքերով՝ նախագծով արդեն մշակված են ու շուտով թողարկման պատրաստ կլինեն Հայաստանի պատմական հուշարձանների ու եկեղեցիների մասին բովանդակալից տեղեկատվությամբ նոր կայքեր:  

«Արդեն պատրաստ են Տաթևի վանքի, Արենի եկեղեցու և Ամբերդ ամրոցի մասին էջերը: Շուտով պատրաստ կլինեն նաև Հաղպատի և այլ պատմական հուշարձանների մասին պատմող էջերը: Առանձին էջ նվիրված կլինի Հայաստանի ամենագեղատեսիլ ու գունեղ քաղաքներից մեկին՝ Գյումրիին մինչև 1988 թ.-ի երկրաշարժը: Գույնզգույն և լակոնիկ գրքույկներ են պատրաստվում, ինչպես նաև կարճ պատմական տեղեկագրով նոր ուղեցույց-ցուցիչների նախագծեր»,- ասաց Նայը:  

Նա ընդգծեց նաև Հայաստանի հարուստ ֆաունայի և ֆլորայի օգտագործման անհրաժեշտությունը երկրի բացառիկ ապրանքանիշի ստեղծման համար: Այս առնչությամբ Նայը նշեց, որ ստեղծված է առանձին էջ Արմաշի (Արարատի մարզ) բացառիկ թռչնաֆաունայի և ձկնաբուծության մասին:

Զբոսաշրջության համաշխարհային շուկայում Հայաստանի մրցունակության զարգացման նպատակով Նայը հատկապես նշեց տարածաշրջանային տուրերի մշակման անհրաժեշտությունը դեպի Վրաստան, Թուրքիա և անգամ Ադրբեջան, ինչպես նաև տուրիստական սպասարկման որակի բարձրացման անհրաժեշտությունը:  

Ճգնաժամի պայմաններում Նայն ընդգծեց զեղչերի ճկուն համակարգի ստեղծման, տուրիստական սպասարկման ոլորտում գնացուցակների իջեցման արդիականությունը, ինչպես նաև արտասահմանյան կազմակերպությունների, արտասահմանցի տուրօպերատորների հետ համագործակցության զարգացումը, նման միջոցառումների խրախուսումը կառավարական մակարդակով:

Համաշխարհային տնտեսական ճգնաժամի պայմաններում Հայաստանում զբոսաշրջության մրցունակության բարձրացման թվով 3-րդ խորհրդակցությունը կազմակերպված է ԱՄՆ Միջազգային զարգացման գործակալության ֆինանսական սատարմամբ՝ Հայաստանի Մրցունակ մասնավոր հատված ծրագրի (Competitive Armenian Private Sector – CAPS) շրջանակներում և ՀՀ Էկոնոմիկայի նախարարության աջակցությամբ:   

Միջոցառման նպատակն է բարձրացնել զբոսաշրջության մրցունակությունը Հայաստանում, միջազգային կապեր հաստատել, զբոսաշրջության ներկայիս վիճակի մասին արդիական տեղեկատվություն տրամադրել, քննարկումների միջոցով խոսել հիմնական խնդիրների մասին: 

Խորհրդակցության ժամանակ ելույթով հանդես եկան նաև CAPS ծրագրի միջազգային խորհրդական Մայք Դակերը, այս կառույցի մրցունակության հարցերի ավագ փորձագետ Ալան Սաֆերը, Հայաստանում CAPS տնօրեն Անուշ Եդիգարյանը: -0-  

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
11:38
29 Փետրվարի 2024
ԵԽ–ն կոչ է արել ԵՄ–ին անհապաղ պատժամիջոցներ կիրառել Ադրբեջանի դեմ
ԵԽ–ն կոչ է արել ԵՄ–ին անհապաղ պատժամիջոցներ կիրառել Ադրբեջանի դեմ և կասեցնել ռազմավարական էներգետիկ գործընկերության մասին փոխըմբռնման հուշագիրը
10:42
27 Փետրվարի 2024
ՀՀ ԱԳ նախարարը կմեկնի Թուրքիա
Արարատ Միրզոյանը կմեկնի Թուրքիա
09:52
27 Փետրվարի 2024
Հայաստանի և Ադրբեջանի ԱԳ նախարարները կհանդիպեն Բեռլինում
Հայաստանի և Ադրբեջանի ԱԳ նախարարները կհանդիպեն Բեռլինում
15:10
26 Փետրվարի 2024
ՌԴ–ն շարունակում է շփումները ՀՀ–ի հետ՝ ՀԱՊԿ–ի մասին Փաշինյանի խոսքերը պարզաբանելու համար․ Կրեմլ
Պեսկովը հայտարարել է, որ Մոսկվան շարունակում է շփումները Երևանի հետ, որպեսզի պարզաբանի ՀՀ վարչապետ Նիկոլ Փաշինյանի հայտարարությունները ՀԱՊԿ–ում անդամակցության «սառեցման» մասին
16:25
23 Փետրվարի 2024
Պեսկովը մեկնաբանել է ՀԱՊԿ–ում ՀՀ մասնակցությունը սառեցնելու մասին Փաշինյանի հայտարարությունը
Կրեմլից մեկնաբանել են ՀԱՊԿ–ում ՀՀ մասնակցությունը սառեցնելու մասին Փաշինյանի հայտարարությունը
11:05
23 Փետրվարի 2024
Ադրբեջանը նոր հարձակում է պատրաստում Հայաստանի վրա․ Փաշինյան
Ադրբեջանն, իրականում, նոր հարձակում է նախապատրաստում Հայաստանի վրա։ Այս մասին France 24-ին տված հարցազրույցում ասել է ՀՀ վարչապետ Նիկոլ Փաշինյանը
22:58
22 Փետրվարի 2024
Բորելը ցանկանում է այցելել Հայաստան․ ԵՄ դեսպան
Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը ցանկանում է այցելել Հայաստան
13:10
22 Փետրվարի 2024
Պատմության մեջ առաջին անգամ Ֆրանսիայի պաշտպանության նախարարը կայցելի Հայաստան
Ֆրանսիայի պաշտպանության նախարարի առաջին այցը Հայաստան
22:47
21 Փետրվարի 2024
Փաշինյանը Մակրոնին հրավիրել է Հայաստան՝ մասնակցելու Ազնավուրի 100–ամյակին նվիրված գալա–համերգին
Փաշինյանը հրավիրել է Ֆրանսիայի նախագահ Էմանուել Մակրոնին պետական այցով այցելել Հայաստան
15:18
19 Փետրվարի 2024
Ուկրաինայի հարցով Մոսկվայի և Երևանի դիրքորոշումները տրամագծորեն տարբերվում են․ Պեսկով
Պեսկովը մեկնաբանել է Փաշինյանի հայտարարությունն Ոկրաինայի հարցով
10:39
19 Փետրվարի 2024
Ուկրաինայի հարցով Հայաստանը Ռուսաստանի դաշնակիցը չէ․ Փաշինյան (ՎԻԴԵՈ)
Փաշինյանը հայտնել է իր դիրքորոշումն Ուկրաինայի հարցով․ ՎԻԴԵՈ