ԵՐԵՎԱՆ, 18 հունիսի. /Նովոստի-Արմենիա/. Հայաստանի տարածքում տեղի է ունեցել երկրաշարժ, որը զգացվել է Երևանի բոլոր հատվածներում։
Ինչպես «Նովոստի-Արմենիա» գործակալությանը հայտնեց Հայաստանի սեյսմիկ պաշտպանության ազգային ծառայության հասարակայնության հետ կապերի վարչության պետ Համլետ Բիշարյանը, երկրաշարժը զգացվել է ոչ միայն Երևանում, այլ Հայաստանի տարբեր մարզերում, մասնավորապես՝ Գավառ քաղաքում։
Ըստ նրա, նախնական տվյալներով, երկրաշարժի էպիկենտրոնը Երևանից դեպի հարավ գտնվող հատվածում է։
«Երկրաշարժի ուժն ու մագնիտուդը պարզվում են, բայց վստահությամբ կարելի է ասել, որ եթե էպիկենտրոնը Հայասստանում չի եղել, ապա, այնուամենայնիվ, երկրին շատ մոտ է եղել»,- ավելացրեց Բիշարյանը։ -0-
