Ջավախահայերը հակված են այն կարծիքին, որ Վրաստանի հեղափոխությունը կարող է փոխել իրենց կյանքը, ասաց ՀՀԿ խմբակցությունից ԱԺ պատգամավոր, «Վիրահայերի միություն» ՀԿ փոխնախագահ Տաճատ Վարդապետյանը:
«Ջավախահայությունը, ինչպես և ցանկացած էթնիկ փոքրամասնւթյուն, իրապես գիտակցում է հեղափոխության հետևանքները, և այդ իսկ պատճառով էլ նրանք չեն կիսում այն կարծիքը, թե դրա արդյունքում իրենց կյանքը կլավանա», չորեքշաբթի մամուլի ասուլիսի ժամանակ ասաց Վարդապետյանը:
Վարդապետյանն ընդգծեց, որ վրացական կողմի հետ առճակատումը ոչ մի կերպ ձեռնտու չէ Հայաստանին, քանի որ հայ-թուրքական սահմանի հնարավոր բացումը դեռ արտաքին աշխարհի հետ այլընտրանքային կապի երաշխիք չի նշանակում:
Այդ իսկ պատճառով, Հայաստանը պետք է շարունակի զարգացնել հարաբերությունները Վրաստանի հետ՝ ուժեղացնելով Ջավախքում բնակվող հայրենակիցների դիրքերը:
Վրաստանի, Հայաստանի և Թուրքիայի սահմանագծին գտնվող Ջավախքը բացարձակապես հայաբնակ տարածաշրջան է (տարբեր գնահատականներով՝ 91-ից 97 տոկոս)։ Սամցխե-Ջավախեթի միացյալ երկրամասի բնակչության թիվը կազմում է 238 հազար մարդ։ -0-
