ԵՐԵՎԱՆ, 9 հունիսի. /Նովոստի-Արմենիա/. ԱՄՆ կողմից Ադրբեջանին ավելի մեծ ֆինանսական օգնություն տրամադրելը, քան Հայաստանին, մասնավորապես ռազմական ոլորտում, պայմանավորված է ԱՄՆ որոշակի շահերով Կասպիական տարածաշրջանում, հայտարարեց Հայաստանում ԱՄՆ դեսպան Մարի Յովանովիչը:
Նրա խոսքերով՝ Օբամայի վարչակազմի առաջարկած օգնությանչափերը դեռևս վերջնական ցուցանիշ չեն, քանի որ ծավալները պետք է հաստատվեն Կոնգրեսի կողմից:
«Անհրաժեշտ է սպասել Կոնգրեսի հաստատմանը ստույգ գումարը սահմանելու համար, իսկ այն, որ Ադրբեջանին կարող է ավելի շատ գումար հատկացվել, պայմանավորված է ԱՄՆ որոշակի շահերով Կասպիական տարածաշրջանում, որտեղ մենք աշխատում ենք, այդ թվում՝ թմրանյութերի անօրինական շրջանառության դեմ պայքարի ուղղությամբ»,- ասաց դեսպանը:
Իր հերթին ԱՄՆ պետքարտուղարի՝ Եվրոպայի և Եվրասիայի հարցերով տեղակալ Ֆիլիպ Գորդոնը (Philip Gordon) նշեց, որ 2008 թ.-ին կոնգրեսում լսումների ընթացքում Հայաստանին հատկացվելիք ֆինանսավորման չափն ավելացվել է:
«Հայաստանի համար նախատեսված ֆինանսական աջակցությունը 30 մլն դոլարի չափով արդեն 6 մլն-ով գերազանցում է նախորդ տարվա միևնույն ցուցանիշը: Կարծում են, որ այս տարի այդ գումարը Կոնգրեսում քննարկումների ընթացքում կարող է ավելացվել»,- ասաց Գորդոնը:
ԱՄՆ կողմից Հայաստանին հատկացվելիք ֆինանսական օգնության ծավալները 2010 թ.-ին առաջարկվում է նվազեցնել մինչև 30 մլն ԱՄՆ դոլարի՝ 2009 թ.-ի համար նախատեսված 48 մլն դոլարի փոխարեն: Ընդ որում որպես ռազմական օգնություն Հայաստանին կտրամադրվի 4 մլն. դոլար, իսկ միջազգային ռազմական ու կրթական դասընթացների համար Հայաստանը կստանա 450 հազար դոլար
Այսպիսով խախտվում է Ադրբեջանի հետ հավասարակշռությունը, որը 2010 թ.-ին ԱՄՆ-ից կստանա մեծ ծավալով գումար: -0-
