«ՌԵՈՒ» ԲԲԸ նախագահ Վլադիմիր Յակունինը հունիսի 12-ին կժամանի Հայաստան

ԵՐԵՎԱՆ, 4 հունիսի. /Նովոստի-Արմենիա/. «Ռուսական երկաթուղի» ԲԲԸ նախագահ, «Հարավկովկասյան երկաթուղի» ՓԲԸ տնօրենների խորհրդի նախագահ Վլադիմիր Յակունինը հունիսի 12-ին կժամանի Հայաստան, հինգշաբթի հայտնեց ՀԿԵՈՒ գլխավոր տնօրեն Շևքեթ Շայդուլլինը։

«Այցի շրջանակներում ծրագրված է Յակունինի հանդիպումը տրասնպորտային սպասարկման հիմնական փոխադրողների հետ, շրջայց Երևան-Մասիս հատված, որտեղ կներկայացվեն կայարանի վերականգնումը, նոր համակարգը, համապատասխան զննում կանցկացվի, կիրականցվեն Երևանի հանգույցի աշխատանքները»,- «Նովոստի» միջազգային մամուլի կենտրոնում տեղի ունեցած ասուլիսի ժամանակ ասաց Շայդուլլինը։

Նա հայտնեց նաև, որ այցի շրջանակներում երկաթուղային տրանսպորտի համար Հայաստանի ապրանքարտադրողների ցուցահանդես տեղի կունենա, մասնավորապես, կներկայացվեն հայ արտադրողների ու ՀԿԵՈՒ համատեղ աշխատանքները։  

Հայաստան այցելելուց հետո Յակունինը կմեկնի Վրաստան, որտեղ խորհրդակցություն կացկացնի մաքսային հարցերի լուծման, ինչպես նաև միջանցիկ սակագների ներմուծման հնարավորությունը համաձայնեցնելու շուրջ։

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ-ի հարյուրտոկոսանոց դուստրը։ ՀԿԵՈՒ-ն իր բալանսում ընդունել է ՀԵՈՒ շարժակազմը 2008թ. հունիսի մեկից՝  «Հայկական երկաթուղիներ» պետական ՓԲԸ-ն 30 տարի ժամկետով փոխանցելու, կողմերի փոխադարձ համաձայնությամբ ևս 10 տարի երկարացման իրավունքով, 2008թ. փետրվարի 13-ի կոնցեսիոն պայմանագրին համապատասխան։-0-