ՀՀ սփյուռքի նախարարությունը կօգնի ֆրանսահայ պարախմբին փորձերի և հյուրախաղերի կազմակերպման գործում

ՀՀ սփյուռքի նախարար Հրանուշ Հակոբյանը պատրաստակամություն է հայտնել աջակցել ֆրանսահայ երիտասարդական միության «Արաքս» և «Սասուն» պարախմբերին՝ հայրենիքում փորձերի կազմակերպման և հայկական սփյուքի համայնքներում հյուրախաղերի կազմակերպման գործում։

Ինչպես «Նովոստի-Արմենիա» գործակալությանը տեղեկացրեցին ՀՀ սփյուռքի նախարարության մամուլի ծառայությունից, այս մասին Հակոբյանը հայտարարել է Ֆրանսիայի Բյուշ Դյու-Ռոնի մարզպետարանի, Մարսելի քաղաքապետարանի և Ֆրանսահայ երիտասարդական միության ներկայացուցիչներ Ժան Մարկ Բյուխսոնի, Պասկալ Շահմասյանի, Ռոբերտ և Սիմոն Ազիլազյանների, Երվանդ և Տիգրան Աղունյանների հետ հանդիպման ընթացքում։

Ներկայումս Ֆրանսահայ երիտասարդական միության «Արաքս» և «Սասունե պարախմբերը նախապատրաստվում են տարբեր գաղթօջախներում կայանալիք հյուրախաղերին:

Ֆրանսիացի հյուրերի հետ հանդիպման ընթացքում Հակոբյանը նշել է, որ ակնկալում է հայ-ֆրանսիական բարեկամական հարաբերությունների բարձր մակարդակին հարիր համագործակցության` Ֆրանսիայի Բյուշ Դյու-Ռոնի մարզպետարանի, Մարսելի քաղաքապետարանի և Ֆրանսահայ երիտասարդական միության հետ։-0-