Ընդդիմությունից ԿԸՀ անդամը նշում է Երևանի Ավագանու խորհրդի ընտրությունների ընթացքում որոշ ընտրատեղամասերում լուրջ ընտրախախտումների մասին
Երևանի Ավագանու խորհրդի ընտրությունների ընթացքում որոշ ընտրատեղամասերում նկատվել են լուրջ խախտումներ, «Նովոստի-Արմենիա» գործակալությանն ասաց Կենտրոնական ընտրական հանձնաժողովում «Ժառանգություն» ընդդիմադիր խմբակցության անդամ Զոյա Թադևոսյանը։
«Որոշ վայրերում շատ լուրջ խախտումներ կան, օրինակ՝ Մալաթիա-Սեբաստիա համայնքի 7/8 և 7/18 ընտրատեղամասերում տեղի են ունեցել ծեծկռտուքներ, ծեծի են ենթարկել «Ժառանգություն» կուսակցությունից ընտրական հանձնաժողովի անդամին, իսկ ընդդիմության վստահված անձանց դուրս են արել ընտրատեղամասերից», - ասաց նա՝ հետևելով 9/5 ընտրատեղամասում քվեարկության ընթացքին։
Նրա խոսքերով՝ ինքն արդեն առավոտվից բողոքներ է ստանում խախտումների մասին, կազմվել են համապատասխան արձանագրություններ, որոնք ավելի ուշ կհրապարակվեն։
Թադևոսյանը նաև տեղեկացրեց, որ ժամանել է 9/5 տեղամաս, քանի որ ահազանգ էր ստացվել այն մասին, որ այս տեղամասում ընտրողների կուտակումներ են առաջացել։ Օրենսդրության համաձայն՝ ընտրատեղամասում միաժամանակ չի կարող գտնվել ավելի քան 15 ընտրող։
Նա նշեց, որ որոշ տեղամասերում քվեարկությունն ավելի հանգիստ և քաղաքակիրթ է ընթանում՝ Ընտրական օրենսգրքի համաձայն, իսկ որոշ տեղամասերում օբյեկտիվ պատճառներով քվեարկությունն ավելի ակտիվ է, սակայն դրանց նկատմամբ վերահսկուղությունը թույլ է, ինչի հետևանքով ընտրողների կուտակումներ են առաջանում, ինչը խանգարում է ընտրական հանձնաժողովների նորմալ աշխատանքին։
Նրա կարծիքով՝ 9/5 տեղամասում ընտրողների կուտակումը բացատրվում է նրանով, որ այս տեղամասում է գրանցված Երևանի գործող քաղաքապետ Գագիկ Բեգլարյանը։
«Նա այստեղ ծնվել և մեծացել է, նրան այստեղ գիտեն, այդ պատճառով ընտրողների ակտիվությունն այսքան բարձր է», - ավելացրեց նա։
Երևանում մայիսի 31-ին անցկացվում են Ավագանու խորհրդի ընտրություններ, որոնք կկարողանա մասնակցել 771,5 հազար մարդ: Երևանի Ավագանու խորհրդի ընտրություններն անցկացվում են համամասնական ընտրակարգով:
Ընտրություններին մասնակցում են «Բարգավաճ Հայաստան» կուսակցությունը, ՀՀԿ-ն, «Օրինաց Երկիր» կուսակցությունը, ՀՅԴ-ն, Ժողովրդական կուսակցությունը, ՀՀ Աշխատավորական սոցիալիստական կուսակցությունը և ՀԱԿ նախընտրական դաշինքը։ --0—
