Վոլգոգրադի մարզի վարչակազմը չի հաստատում այն, որ իր ներկայացուցիչը Ղարաբաղն «անջատողական ռեժիմ» է անվանել

ԵՐԵՎԱՆ, 27 մայիսի. /Նովոստի-Արմենիա/. Վոլգոգրադի մարզի վարչակազմի մամուլի ծառայության ներկայացուցիչը չի հաստատել ադրբեջանական ԶԼՄ-ների տարածած տեղեկատվությունն այն մասին, թե իբր վարչակազմի ներկայացուցիչն «անջատողական ռեժիմ» է անվանել Ղարաբաղը։

Վոլգոգրադում անցկացված Կազակական ուղղափառ երիտասարդության համաշխարհային երկրորդ համագումար-փառատոնին մասնակցող հայկական պատվիրակության ներկայացուցիչները Հայաստանի և Արցախի դրոշները բարձրացրեցին Մամաև կուրգանում։

Համաձայն ադրբեջանական ԶԼՄ-ների հաղորդագրության, Վոլգոգրադի մարզի վարչակազմի անանուն ներկայացուցիչն իբր հայտարարել է, որ «եթե պարզվի, որ իրականում ծածանվում է անջատողական շարժման ռեժիմի դրոշը, ապա միջոցներ կձեռնարկվեն»։

«Ես չգիտեմ, թե ով ում այնտեղ ինչպես է կոչել։ Մենք չենք մեկնաբանի այն, ինչ գրում են գործակալությունները։ Դա նույնն է, ինչ մեկնաբանել օտար խոսակցություններն ու լուրերը։ Որտեղի՞ց են դա վերցրել։ Ի՞նչ մեկնաբանություններ են վերցրել։ Ես ուրիշի փոխարեն պատասխանել չեմ կարող»,- ասել է մամուլի ծառայության աշխատակիցը «Նովոստի-Արմենիա» գործակալությանը։ -0-