Պարոնյանի անվ. երաժշտական կոմեդիայի թատրոնում կայացավ «Մոդա 2009» ուսանողական աշխատանքների մրցույթը

ԵՐԵՎԱՆ, 25 մայիսի. /Նովոստի-Արմենիա/. Երկուշաբթի Պարոնյանի անվ. երաժշտական կոմեդիայի թատրոնում կայացավ Թեթև արդյունաբերության Երևանի պետական քոլեջի 80-ամյակին նվիրված «Մոդա 2009» ուսանողական աշխատանքների մրցութային ցուցադրությունը։

Ցուցադրությունը կազմակերպվել է քոլեջի տնօրեն Սերգեյ Քոչարյանի ղեկավարությամբ։  

Ցուցադրությանը ներկայացվել է քոլեջի ուսանողների շուրջ 130 աշխատանք 4 անվանակարգում՝ ավանգարդ, ամենօրյա ոճ, կոկտեյլ և երեկոյան հանդերձանք։   

Ավանգարդ անվանակարգում ներկայացված էր բեմական հագուստ, իսկ ամենօրյա հագուստները նախատեսված էին տարիքային լայն խմբի համար՝ սկսած մանկական հագուստից մինչև հագուստներ կանանց համար։

Վերջին երկու ավանակարգում՝ կոկտեյլ և երեկոյան զգեստներ, ներկայացվեցին մոդելներ թեթև ոչ պաշտոնական միջոցառումների համար և հատուկ հանդիսավոր իրադարձությունների համար նախատեսված երեկոյան զգեստներ։  
 
Ուսանողների աշխատանքները գնահատում էր գիտակ ժյուրին՝ ՀՀ ԱԺ պատգամավոր, «Գարուն» տեքստիլ ձեռնարկության տնօրեն Գոհար Ենոքյանի նախագահությամբ։ 

ՀՀ կրթության նախարարության անունից շնորհակալագրեր և պատվոգրեր են շնորհվել մրցույթի հաղթողներին:

Արտամրցութային հիմունքներով հանդիսատեսի դատին հանձնվեցին նաև Վանաձորի տեխնիկական քոլեջի ու Թերլեմեզյանի անվ. պետական քոլեջի ուսանողների հավաքածուները։

Արդեն 10 տարի է՝ քոլեջը կազմակերպում է այս ամենամյա մրցույթ-ցուցադրությունը, վերջին 5 տարին այն անցկացվում է Պարոնյանի անվ. երաժշտական կոմեդիայի թատրոնում։-0-