«Հարավկովկասյան երկաթուղի» ՓԲԸ գլխավոր տնօրեն Շևքետ Շայդուլլինը հանդիպել է Հայ տրանսպորտային աշխատողների և առաքիչների ընկերակցության ներկայացուցիչների հետ, երեքշաբթի «Նովոստի-Արմենիա» գործակալությանը հայտնեցին ընկերության մամուլի ծառայությունից։
«Կողմերը քննարկել են հարցեր համալիր տրասպորտային ծառայությունների մատուցելման մասին։ Մասնավորապես, քննարկվել են կոնտեյներային գնացքներ ուղարկելու, միջանցիկ սակագնային դրույքների անցնելու, բեռնափոխադրման գործընթացում իրավական դաշտի կազմակերպման, գնացքների արագության բարձրացման, ինչպես նաև արտահանման որոշ ապրանքների ձևակերպման արտոնյալ պայմաններ ստեղծելու հետ կապված հարցեր»,- ասվում է հաղորդագրության մեջ։
«ՀԿԵՈՒ» ՓԲԸ գլխավոր տնօրեն Շևքետ Շայդուլլինը պատրաստակամություն հայտնեց համագործակցության շրջանակներում առավելագույն օգնություն ցուցաբերել տվյալ բիզնեսի զարգացմանը։
«Մեր առաքելությունն է դառնալ համազգային տրանսպորտային ընկերություն, որը որոշ ռազմավարական նպատակների միջոցով դինամիկ զարգացնում է ծառայությունների արդյունավետությունն ու որակը։ Այդ թվում ընկերությունն առանձնացնում է երկարաժամկետ արդյունավետության և ֆինանսական կայունության բարձրացումը, ծառայությունների որակի բարձրացումը, ՀՀ տարածքում տրանսպորտային արդյունաբերության հզորության ավելացումը, ինտեգրումը եվրասիական տրանսպորտալոգիստիկ համակարգ»,- նշեց նա։
Հայ տրնասպորտային աշխատողների և առաքիչների ընկերակցության նախագահ Մակար Առաքելյանի խոսքերով՝ «Շևքետ Նուրգալիևիչի հետ առաջին հանդիպումը մեծ տպավորություն է գործել, նա պրոֆեսիոնալ մոտեցում է ցուցաբերել կորպորատիվ հաճախորդի խնդիրների նկատմամբ տրասպորտային ծառայություններ մատուցելու հարցում։ Փոխշահավետ համագործակցության հույս ունեմ, որը կնպաստի ՀՀ տնտեսության զարգացմանը, հատկապես արտահանման ոլորտում։ Մեր աշխատանքի գլխավոր նպատակը ՀՀ առաքիչների իրավունքների պաշտպանությունն է արտասահմանում»։
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը։ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 20 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։-0-
