Մայիսի 7-13-ը Հայաստանի տարածքում մեկ թույլ երկրաշարժ է գրանցվել

ՀՀ սեյսմիկ կայանները մայիսի 7-13-ն ընկած ժամանակահատվածում հանրապետության տարածքում մեկ թույլ երկրաշարժ են գրանցել, հաղորդում է ՀՀ սեյսմիկ պաշտպանության ազգային ծառայությունը (ՍՊԱԾ)։

Սեյսմիկ ծառայության ամենշաբաթյա ամփոփագրի համաձայն՝ երկրաշարժը տեղի է ունեցել մայիսի 8-ին՝ Եղեգնաձոր քաղաքից 7 կմ դեպի հարավ-արևելք, ընդ որում էպիկենտրոնում ստորգետնյա ցնցման ուժգնությունը կազմել է 3-4 բալ։

Տարածաշրջանում գրանցվել է 3 և ավելի բալ ուժգնությամբ յոթ թույլ երկրաշարժ, որոնք տեղի են ունեցել Վրաստանում, Ադրբեջանում, Իրանում և Թուրքիայում։

Հայկական սեյսմիկ կայանները մայիսի 10-ին տարածաշրջանից դուրս 6,1 մագնիտուդով երկրաշարժ են գրանցել են Էկվադորի ափամերձ մասում։ Զոհերի և ավերածությունների մասին տեղեկություններ չկան: -0-