Երևանում կանցկացվի «Անվտանգություն և համագործակցություն Կովկասյան տարածաշրջանում և նրա շուրջը» համաժողովը

Երևանում կանցկացվի «Անվտանգություն և համագործակցություն Կովկասյան տարածաշրջանում և նրա շուրջը» համաժողովը, «Նովոստի-Արմենիա» գործակալությանը տեղեկացրեցին ՀՀ Ազգային անվտանգության խորհրդի մամուլի գրասենյակից:

Միջազգային համաժողովին կմասնակցիեն 25 երկրի ներկայացուցիչներ:

«Համաժողովին կմասնակցի շուրջ 40 ներկայացուցիչ 25 երկրից` Ռուսաստանից, Իտալիայից, Ֆրանսիայից, Մեծ Բրիտանիայից, Նիդեռլանդների Թագավորությունից, Ճապոնիայից, Հնդկաստանից, Իրանից, Եգիպտոսից, Շվեդիայից, Ավստրալիայից, Իսրայելից, Լեհաստանից, Չինաստանից, Վիետնամից, Թուրքիայից, Գերմանիայից, ԱՄՆ-ից, Կանադայից, Ուկրաինայից, Էստոնիայից, Բելառուսից, Ղազախստանից, Իրաքից, ինչպես նաև միջազգային կազմակերպություններից` Եվրամիությունից, ԵԱՀԿ-ից, ՀԱՊԿ-ից»,-նշեցին մամուլի գրասենյակից:

Համաժողովին կմասնակցեն նաև Հայաստանի բարձրաստիճան պաշտոնյաներ, Հայաստանում հավատարմագրված դեսպաններ:

Կքննարկվեն Հարավային Կովկասի անվտանգության խնդիրները ժամանակակից եվրոպական անվտանգության համատեքստում, տարածաշրջանային հակամարտությունների կարգավորման, էներգետիկ և տրանսպորտային ուղիների` որպես տարածաշրջանային անվտանգության և համագործակցության գործոն, միջազգային ահաբեկչության դեմ պայքարի, թմրաբիզնեսի և զենքի ապօրինի վաճառքի, թրաֆիքինգի դեմ պայքարի գործում տարածաշրջանային համագործակցության զարգացման, տարածաշրջանում տեղեկատվական անվտանգության ապահովման խնդիրները:-0-