Ներկայում վտանգավոր իրավիճակ է ստեղծվել Լեռնային Ղարաբաղի խնդրի շուրջ, կարծում է ՀՅԴ խորհրդարանական խմբակցության ղելավար Վահան Հովհաննիսյանը։
«Այդ իրավիճակը ստեղծվել է Թուրքիայի հետ հարաբերություններում մեր ոչ խելամիտ քաղաքականության հետևանքով։ Չէ որ գաղտնիք չէ, որ Թուրքիայի համար Հայաստանի հետ հարաբերություններ հաստատելու նախապայամաններից մեկը հենց հայկական շահերը ադրբեջանականին ենթարկելն է և հայկական կողմին զիջումներ ստիպելը»,- չորեքշաբթի մամուլի ասուլիսի ժամանակ ասաց Հովհաննիսյանը։
Նա նշեց, որ ՀՀ նախագահ Սերժ Սարգսյանը, ԱԳՆ ղեկավար Էդվարդ Նալբանդյանը, ԱՄՆ փոխնախագահ Ջոզեֆ Բայդենը հավաստիացնում են, որ որևէ նախապայման հայ-թուրքական հարաբերությունների հաստատման համար չկա։
«Ես չեմ կասկածում, որ մեր բարձրաստճան պաշտոնյանները հայրենասեր են, սակայն նրանք փակուղի են մտել։ Հարց է առաջանում. եթե չկան թուրքական կողմի նախապայմանները, և բոլորը պնդում են, որ սահմանների բացումը և դիվանագիտական հարաբերությունների հաստատումը Թուրքիայի միջազգային պարտավորությունն է, ապա ինչու՞ նա չի անում դա։ Հավանաբար այն պատճառով, որ, այնուամենայնիվ, Թուրքիան այնպիսի նախապայմաններ է դնում, որոնք գաղտնի ու քողարկված են»,- նշեց խորհրդարանականը։
Ըստ նրա, Թուրքիայի՝ Հայաստանի հետ շփումների վերականգնմանը վերաբերող հարցը որոշակիորեն հստակեցնում է նույնիսկ ոչ թե Թուրքիայի վարչապետ Ռեջեփ Թաիփ Էրդողանի վերջին հայտարարւոթյունները և ավելի մեղմ դիրքորոշում ունեցող ԱԳՆ ղեկավար Ալի Բաբաջանի հրաժարականը, այլ Թուրքիայի ազգային անվտանգության և ԶՈԻ գլխավոր շտաբի պետի մոտեցումները։
«Թուրքիայի ներքին իրավիճակն այնպիսին է, որ երկրի գլխավոր ուժը բանակն է, և եթե վերոնշյալ պաշտոնյաները խոսում են նախապայմանների առկայության մասին, ապա դրանք կան, և Թուրքիան կփորձի պարտադրել այդ նախապայմանները Հայաստանին»,- կարծում է Հովհաննիսյանը։
Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։
Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ. իրագործված Եղեռնի ճանաչմանն ուղղված ջանքերից հրաժարվելը և ղարաբաղյան հիմնախնդրի լուծումը` հօգուտ Ադրբեջանի:
Հարաբերություններում առաջին տեղաշարժերը սկսվեցին 2008 թ.-ի սեպտեմբերի 6-ից, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ ժամանեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը համատեղ դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։
