ՄԻԱԿ կուսակցության գլխավոր խնդիրը 2012 թվականի խորհրդարանական ընտրություններին պատրաստվելն է
Միացյալ ազգային ազատական կուսակցության գլխավոր նպատակը 2012 թվականի խորհրդարանական ընտրություններին պատրաստվելն է, «Նովոստի-Արմենիա» գործակալությանը տեղեկացրեց կուսակցության գլխավոր քարտուղար Արա Հովսեփյանը։
«Մենք մտադիր ենք համախմբել հանրապետության երիտասարդական առաջադիմական-ազատական ուժերը, որպեսզի ավելի բովանդակալից պատրաստվենք առաջիկա խորհրդարանական ընտրություններին։ Մեր գլխավոր նպատակը 2012 թվականի ընտրություններն է, և եթե մենք դրսևորենք մեզ ընտրություններում, ապա լուրջ հայտ կներկայացնենք գործադիր մարմիններում մեր ներդրումն ունենալու համար»,- հայտարարեց Հովսեփյանը։
Նա նշեց, որ դրա համար նախատեսվում է դարձնել կազմակերպությունն ավելի մասսայական, զարգացնել նրա գործունեությունը Հայաստանի բոլոր մարզերում, այդ թվում նաև գյուղական շրջաններում։ Բացի այդ, նրա խոսքերով, շարունակվելու է ներկուսակցական կառուցվածքի ավելի մեծ ժողովրդավարացման գործընթացը, թափանցիկության և արդունավետության բարձրացումը։
Միաժամանակ մայիսի 31-ին կայանալիք ընտրությւոններին մասնակցելուց հրաժարվելը Հովսեփյանը բացատրեց ընտրությունների ներկայիս համակարգի հետ անհամաձայնությամբ։ «Մենք կարծում ենք, որ Երևանի ավագանու խորհրդի ընտրությունները քաղաքապետ ընտրելու ամենահաջող տարբերակը չէ՝ ելնելով մեր երկրի առանձնահատկություններից։ Մեր կուսակցության դիրքորոշումն այնպիսին է, որ լեգիտիմորեն ընտրված նախագահը պետք է նշանակի Երևանի քաղաքապետին»,- նշեց նա։
Հովսեփյանի խոսքերով՝ որևէ քաղաքական ուժի ՄԻԱԿ-ը չի սատարելու քաղաքապետի ընտրություններում, բայց կազմակերպության յուրաքանչյուր անդամ սեփական ընտրության իրավունք կունենա։
Կուսակցության առաջնորդը ասաց, որ ՄԻԱԿ-ը պատրաստ է համագործակցել այն քաղաքական ուժերի հետ, որոնք կողմ կլինեն երկրում երկրորդ սերնդի բարեփոխումներ՝ Հայաստանում ժողովրդավարական հասարակությանը բնորոշ հիմնական ինստիտուտների կայացում անցկացնելուն։
«Կա գաղափարախոսություն, որին մենք կողմ ենք՝ դրանք երկրորդ սերնդի բարեփոխումներն են։ Նա, ով կողմ է դրանց, մեր պոտենցիալ դաշնակիցն է»,- ընդգծեց Հովսեփյանը։ -0-
