Արագածոտնի մարզի մայրուղու մոտ կնոջ դիակ է հայտնաբերվել
12.05.2009,
15:46
Արագածոտնի մարզի մայրուղու մոտ կնոջ դիակ է հայտնաբերվել
ԵՐԵՎԱՆ, 12 մայիսի. /Նովոստի-Արմենիա/. Արագածոտնի մարզի մայրուղու մոտ նախօրեին կնոջ դիակ է հայտնաբերվել, երեքշաբթի «Նովոստի-Արմենիա» գործակալությանը հայտնեցին ՀՀ ԱԻՆ Փրկարար ծառայության տեղեկատվության վարչությունից։
Ինչպես նշվում է հաղորդագրության մեջ, երկուշաբթի ցերեկը ոստիկանությունից ահազանգ է ստացվել, որ Արագածոտնի մարզում` Արտաշավան-Ամբերդ ավտոճանապարհի 3-րդ կմ-ում քարերի մեջ հայտնաբերվել է կնոջ դիակ և այն դուրս բերելու համար անհրաժեշտ է փրկարարների օգնությունը:
Դեպքի վայր մեկնած փրկարարները հայտնաբերված դին տեղափոխել են շտապօգնության ավտոմեքենա: Զոհվածի ինքնությունը պարզվում է:-0-
Պատճենել հղումը
