ԵՐԵՎԱՆ, 8 մայիսի. /Նովոստի-Արմենիա/. Երևանում 2008 թվականի մարտյան անկարգությունների տասը զոհերի գործով հետաքննությունը շարունակվում է և դատարան դեռ չի ուղարկվել, ուրբաթ ասաց Երևանում 2008 թվականի մարտյան անկարգությունների քննչական խմբի ղեկավար Վահագն Հարությունյանը այդ գործի հետաքննության ԱԺ ժամանակավոր հանձնաժողովի նիստի ընթացքում։
Նախագահական ընտրություններից դժգոհ հայկական ընդդիմությունը նախորդ տարի փետրվարի 20-ից բողոքի ցույցեր էր կազմակերպում Երևանի կենտրոնում: Մարտի 1-2-ին դրանք վերածվեցին անկարգությունների և ցուցարարների ու իրավապահ մարմինների բախումների, որոնց արդյունքում զոհվեց տասը, վիրավորվեց ավելի քան 200 հոգի:
«Մարտյան անկարգությունների ժամանակ տասը մարդու մահվան համար մեղավորների որոնման գործը դեռ չի ավարտվել, ինչի կապակցությամբ այն չէր կարող ուղղվել դատարանի քննարկմանը»,- ասաց Հարությունյանը։
Նրա խոսքով, մեղավորներին չգտնելու հիմնական պատճառն այն է, որ մարդյան անկարգությունների ականատեսները չեն ցանկանում օգնել հետաքննությանը:
«Քննչական մարմինների վրա որևէ քաղաքական ճնշում չի գործադրվում, մենք միայն ուժեղ դիմակայություն են զգում այս գործի իրական հանգամանքների բացահայտման այսպես կոչված «շահագրգռված անձանց» կողմից»,- ասաց Հարությունյանը։
Միաժամանակ նա նշեց, որ քննչական մարմիններն իրենց կողմից ջանքեր են գործադրում գործի հանգամանքները բացահայտելու համար՝ ընդգծելով, որ կոնկրետ արդյունքների բացակայությունը չի նշանակում, որ գործը փակուղի է մտել և չի շարունակվի։
Իր հերթին, հետաքննության հանձնաժողովի անդամ, «Նոր ժամանակներ» ընդդիմադիր կուսակցության առաջնորդ Արամ Կարապետյանը նշեց, որ քննչական մարմինները կարող էին մեկ ամսվա ընթացքում պարզել տասը մարդու մահվան բոլոր հանգամանքներն ու մանրամասները, եթե նրանց վրա քաղաքական ճնշում չգործադրվեր։ -0-
