ԵՐԵՎԱՆ, 5 մայիսի. /Նովոստի-Արմենիա/. Երևանում կնշվի պետական և քաղաքական գործիչ, պատմաբան Ջոն Կիրակոսյանի հոբելյանը, «Նովոստի-Արմենիա» գործակալությանը հայտնեցին ՀՀ ԱԳՆ մամուլի ծառայությունից:
Մայիսի 6-ին լրանում է հայ ականավոր պետական և քաղաքական գործիչ, պատմաբան, հրապարակախոս, ԱԳ նախարար (1975-1985թթ.) Ջոն Կիրակոսյանի ծննդյան 80-ամյակը:
Ջոն Կիրակոսյանի 80-ամյա հոբելյանի նշումը նախապատրաստելու նպատակով ՀՀ վարչապետի որոշմամբ ստեղծվել է հոբելյանական հանձնաժողով` ՀՀ գիտությունների ազգային ակադեմիայի նախագահ Ռադիկ Մարտիրոսյանի գլխավորությամբ:
Մայիսի 6-ին, ժամը` 13.30 կառավարական հանձնաժողովն այցելելու է Ջոն Կիրակոսյանի շիրիմին (Երևանի քաղաքային պանթեոն):
Մայիսի 8-ին Ջոն Կիրակոսյանի անվան դպրոցում տեղի կունենա միջոցառում հանդես, իսկ մայիսի 19-ին Հայաստանի ազգային արխիվում տեղի կունենա Ջոն Կիրակոսյանի կյանքին և գործունեությանը նվիրված ցուցահանդես:
Մայիսի 22-ին Գիտությունների ազգային ակադեմիայի դահլիճում կկազմակերպվի հոբելյանական միջոցառում և գիտական նստաշրջան:--0--
