Վրաստանը կկարողանա ապահովել հայկական բեռների փոխադրումը՝ չնայած վրացական ընդդիմության՝ հարևան երկրների հետ սահմանները փակելու սպառնալիքին. նախարար
ԵՐԵՎԱՆ, 5 մայիսի. /Նովոստի-Արմենիա/. Վրաստանը կկարողանա ապահովել հայկական բեռների փոխադրումը՝ չնայած վրացական ընդդիմության՝ հարևան երկրների հետ սահամնները փակելու սպառնալիքին, կարծում է ՀՀ տրանսպորտի և կապի նախարար Գուրգեն Սարգսյանը։
«Մեր հարաբերությունները Վրաստանի հետ պայմանագրային բնույթ են կրում, և պայմանագրի կողմը պարտավոր է ապահովել ինչպես բեռների փոխադրումը, այնպես էլ դրանց անվտանգությունը։ Կարծում եմ, որ Վրաստանը կկարողանա ապահովել դա առկա պայմանավորվածությունների շրջանակներում»,- երեքշաբթի լրագրողներին ասաց Սարգսյանը։
Հակառակ դեպքում, ինչպես նշեց նախարարը, պայմանագիրը նախատեսում է որոշակի տուգանքներ կողմերից մեկի նկատմամբ՝ իր պարտավորությունները չկատարելու համար։
Վրացական ընդդիմությւոնը մայիսի 11-ից մտադիր է բողոքի ակցիա կազմակերպել Վրաստանի հսկիչ-անցագրային կետերում (ՀԱԿ) ՝ Հայաստանի, Ադրբեջանի և Թուրքիայի հետ սահմաններում։ Այդ կապակությամբ Վրաստանի ընդդիմադիր ուժերը մայիսի 4-ին հայտարարություն են տարածել այն մասին, որ մայիսի 8-ից 72 ժամ կտրամադրեն նախագահ Միխայիլ Սահակաշվիլիին, որպեսզի նա հրաժարական տա, ժամկետն անցնելուն պես կփակվեն ոչ միայն երկրի բոլոր մայրուղիները, այլև սահմանային ՀԱԿ-ը։ -0-
