Եվրաինտեգրումը Հայաստանի արտաքին քաղաքականության առաջնահերթությունն է. փորձագետ
ԵՐԵՎԱՆ, 5 մայիսի. /Նովոստի-Արմենիա/. Եվրաինտեգրումը Հայաստանի արտաքին քաղաքականության գերակա ուղղությունն է, ասաց «Եվրոպական ինտեգրացիա» հասարակական կազմակերպության նախագահ Կարեն Բեքարյանը։
«Եվրաինտեգրումը դիտարկվում է ինչպես Հայաստանի և եվրոպական երկրների երկկողմ կապերի, այնպես էլ Հայաստանի ու եվրատլանտյան 4 կառույցների՝ Եվրախորհուրդ, ԵԱՀԿ, ՆԱՏՕ և Եվրամիություն, կապերի տեսանկյունից»,- ասաց նա երեքշաբթի մամուլի ասուլիսի ժամանակ։
Բեքարյանը նշեց, որ ԵՄ-ն տնտեսական հիմքեր ունեցող եվրոպական հիմնական կառույցն է, որն արդեն քաղաքական միավոր է և ուժային կենտրոն։
Այս համատեքստում, նրա խոսքերով, Հայաստանի եվրաինտեգրման համար հիմք է հանդիսանում ԵՄ հետ իր հարաբերությունները։
Բեքարյանը նշեց, որ «Արևելյան գործընկերության» քաղաքականության մեջ, որը եվրաինտեգրման ընդհանուր ծրագրի մի մասն է, ընդգրկված են ՎՈՒԱՄ (Վրաստան, Ուկրաինա, Ադրբեջան, Մոլդովա) երկրները, ինչի առնչությամբ էլ Եվրոպայի ազդեցության ոլորտում ընդգրկվելու մրցակցությունն այլ իմաստ է ստանում։
«Այն երկիրը, որն ավելի շատ փորձի օգտագործել Եվրոպայի տրամադրած հնարավորությունները ազգային շահերին, քաղաքացիական հասարակության զարգացմանը ծառայեցնելու համար, ամենաշահավետ իրավիճակում կհայտնվի եվրաինտեգրման առումով»,- ասաց Բեկարյանը։
Իր հերթին, քաղաքագետ Ալեքսանդր Մարկարովը կարծում է, որ 2008թ.-ի օգոստոսյան դեպքերը ցույց տվեցին, թե որքան է Եվրոպային անհրաժեշտ էներգառեսուրսների բազմազանեցումը։
Բացի այդ, նրա խոսքերով, Եվրոպան ինքն է շահագրգռված Հարավային Կովկասի տարածաշրջանում ժողովրդավարական արժեքների տարածմամբ և տարածաշրջանի տնտեսական ոլորտը եվրոպական չափանիշներին հաղորդակցելով։
«Արևելյան գործընկերությունը» լեհական-շվեդական նախաձեռնություն է՝ հարևանության քաղաքականության շրջանակներում, որն ուղղված է հետխորհրդային երկրների և ԵՄ-ի միջև հարաբերությունների բարելավմանը։ Ծրագիրը հաստատվել է մարտի 20-ին կայացած Եվրամիության նիստի ժամանակ։ «Արևելյան գործընկերության» սահմանադիր գագաթնաժողովը տեղի կունենա մայիսի 7-ին։
«Արևելյան գործընկերությունը» պետք է ընդգրկի Եվրամիության վեց հարևան երկրներին՝ Ադրբեջանին, Հայաստանին, Վրաստանին, Մոլդովային, Ուկրաինային և Բելառուսին։ Ծրագրի շրջանակներում ԵՄ-ն այդ երկրներին կհատկացնի 600 միլիոն եվրո 2009-2013 թթ.-ին։ Միաժամանակ «Արևելյան գործընկերությունը», ինչպես հարևանության ողջ քաղաքականությունը, չի նախատեսում իր կազմի մեջ մտնող երկրների՝ ԵՄ անդամակցությունը։ -0-
