Հայաստանում երկաթուղային տրանսպորտի զարգացման հարցերն են քննարկել վարչապետն ու ՀԿԵՈՒ ղեկավարը

ԵՐԵՎԱՆ, 4 մայիսի. /Նովոստի-Արմենիա/. Հայաստանում երկաթուղային տրանսպորտի զարգացման հարցերն են քննարկել ՀՀ վարչապետ Տիգրան Սարգսյանը, Տրանսպորտի ու կապի նախարար Գուրգեն Սարգսյանը և «ՀԿԵՈՒ» ՓԲԸ գլխավոր տնօրեն Շևկետ Շայդուլլինը։   

Ինչպես երկուշաբթի «Նովոստի-Արմենիա» գործակալությանը հայտնեցին ՀԿԵՈՒ մամուլի ծառայությունից, հանդիպման ընթացքում Շայդուլլինը ներկայացրել է 2009 թ.-ի առաջին եռամսյակի արդյունքները, ինչպես նաև վերջերս կայացած «ՀԿԵՈՒ» ՓԲԸ տնօրենների խորհրդի հիմնական դրույթները, այդ թվում 2009 թ.-ի ներդրումային ծրագիրը, սակագնային քաղաքականությունը, տարածաշրջանային սոցիալական քաղաքականությունը։

Խոսելով ընկերության կիրառած հակաճգնաժամային միջոցների մասին՝ Շայդուլլինը մանրամասն կանգ է առել Հայաստանի տարածքում տրանսպորտային մեքենաշինության զարգացման վրա։

Կողմերը քննարկել են նաև Վանաձոր-Ֆիոլետովո երկաթուղու շինարարության նախագիծը, որը, Կոնցեսիոն պայմանագրի համաձայն, իրականացվում է Հայաստանի երկաթուղային ենթակառուցվածքի լիակատար վերականգնման շրջանակներում։  

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ-ի հարյուրտոկոսանոց դուստրը։ՀԿԵՈՒ-ն իր բալանսում ընդունել է ՀԵՈՒ շարժակակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով՝ 2008թ. փետրվարի 13-ի կոնցեսիոն պայմանագրին համապատասխան:--0--