Պուտինը բացատրել է Դոնբասում հատուկ օպերացիայի պատճառը (ՎԻԴԵՈ)

ԵՐԵՎԱՆ, 24 փետրվարի./Նովոստի-Արմենիա/. ՌԴ նախագահ Վլադիմիր Պուտինը բիզնեսի ներկայացուցիչների հետ հանդիպման ժամանակ բացատրել է հատուկ օպերացիայի պատճառը՝ Ռուսաստանին այլ կերպ վարվելու շանս չթողեցին:

«Մեզ չթողեցին այլ կերպ վարվելու շանսեր: Անվտանգության ոլորտում այնպիսի ռիսկեր ստեղծեցին, որ անհնար էր արձագանքել այլ միջոցներով: Բոլոր փորձերը զրոյական էին», - հայտարարել է ՌԴ նախագահը, հաղորդում է ՌԻԱ Նովոստին:

Նշենք, որ փետրվարի 24-ին Պուտինը հայտարարեց, որ որոշել է Դոնբասում հատուկ ռազմական օպերացիայի անցկացման մասին:


 Ռուսաստանցիներին ուղղված հեռուստաուղերձում նա հայտարարել է, որ հանգամանքները «մեզնից պահանջում եմ վճռական և անհապաղ գործողություններ, Դոնբասի ժողովրդական հանրապետությունները դիմել են Ռուսաստանին օգնության խնդրանքով»: ՌԴ նախագահը հայտարարել է, որ արյունահեղության ամբողջ պատասխանատվությունն ընկնելու է Ուկրաինայի իշխող ռեժիմի խղճին և կոչ է արել ուկրաինացի զինվորականներին չկատարել ուկրաինական իշխանությունների հանցավոր հրամանները, վայր դնել զենքն ու գնալ տուն:

ՌԴ պաշտպանության նախարարությունը հայտնել է, որ ՌԴ Զինված ուժերը հրթիռային, ավիացիոն կամ հրետանային որևէ հարված չեն հասցնում Ուկրաինայի քաղաքներին: Գերատեսչության տվյալներով, գերճշգրիտ հարվածներով շարքից հանվում են ռազմական ենթակառուցվածքը, ՀՕՊ օբյեկտները, ռազմական օդանավակայանները, Ուկրաինայի Զինված ուժերի ավիացիան: Նախարարությունից նշել են, որ քաղաքացիական բնակչությանը ոչինչ չի սպառնում:-0-