Պուտին–Փաշինյան բանակցություններն անհրաժեշտ են և սպասված․ Պեսկով

ԵՐԵՎԱՆ, 8 մայիսի․/Նովոստի–Արմենիա/․ ՌԴ նախագահի մամուլի քարտուղար Դմիտրի Պեսկովն անհրաժեշտ և սպասված է անվանել Վլադիմիր Պուտինի և Նիկոլ Փաշինյանի բանակցությունները, որոնք կանցկացվեն այսօր՝ մայիսի 8–ին Մոսկվայում։

«ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի նախատեսված բանակցությունները, որոնք կանցկացվեն այսօր Կրեմլում, անհրաժեշտ են և սպասված երկու կողմից», – նշել է Պեսկովը լրագրողների հետ զրույցում, հաղորդում է ՏԱՍՍ–ը։

Ավելի վաղ Կրեմլում փաստել էին, որ վերջին շրջանում Մոսկվայի և Երևանի միջև «խնդրահարույց հարցեր են կուտակվել»։ Երևանը չի հերքում կուտակված խնդիրների առկայությունը՝ պատրաստակամություն հայտնելով բարձրաձայնել և քննարկել դրանք «հանուն հայ-ռուսական բարեկամական հարաբերություններում նեգատիվ նյուանսները հանելու նպատակադրումով», ինչպես նախօրեին ասել էր Փաշինյանը։