Սկանդալ «Եվրատեսիլ 2024»–ում․ կիսաեզրափակչում Ֆինլանդիայի ներկայացուցիչը բեմ է դուրս եկել մերկ (ՎԻԴԵՈ)

ԵՐԵՎԱՆ, 8 մայիսի․/Նովոստի–Արմենիա/․ Նախօրեին Շվեդիայի Մալմյոյում կայացել է «Եվրատեսիլ 2024» երգի միջազգային մրցույթի առաջին կիսաեզրափակիչը։

Կիսաեզրափակչում Ֆինլանդիայի ներկայացուցիչը բեմ է դուրս եկել մերկ, հագին եղել է միայն շապիկ։

Այս տարի Ֆինլանդիան մրցույթում ներկայացնում է Windows95man խումբը, երգը կոչվում է «No Rules»։

Շոուի սկզբում խմբի մասնակիցներից մեկը դուրս է գալիս ձվից և սկսում վազել բեմով՝ մերկ հետույքով։ Վերջում վերևից իջեցվում են նրա շորտերը, որոնք նա հագնում է։

Մրցույթի առաջին կիսաեզրափակչի արդյունքում պայքարը կշարունակեն Սերբիան, Պորտուգալիան, Սլովենիան, Ուկրաինան, Լիտվան, Ֆինլանդիան, Կիպրոսը, Խորվաթիան, Իռլանդիան և Լյուքսենբուրգը։

Երկրորդ կիսաեզրափակիչը կկայանա վաղը՝ մայիսի 9–ին։ Հայաստանը ներկայացնող LADANIVA խումբը ելույթ կունենա 8–րդ համարի ներքո։