Հայտնի է Հայաստանի և Թուրքիայի հատուկ ներկայացուցիչների երկրորդ հանդիպման վայրն ու ամսաթիվը

ԵՐԵՎԱՆ, 3 փետրվարի./ Նովոստի-Արմենիա/. Հայաստան-Թուրքիա կարգավորման գործընթացի շրջանակներում երկու երկրների հատուկ ներկայացուցիչների հաջորդ հանդիպումը տեղի կունենա փետրվարի 24-ին` Վիեննայում։


Այս մասին հայտնել է ՀՀ ԱԳՆ մամուլի քարտուղար Վահան Հունանյանը Facebook-յան իր էջում:

Հայաստանի և Թուրքիայի միջև դիվանագիտական հարաբերություններ դեռևս չկան, սակայն վերջին ամիսներին որոշակի առաջընթաց կա երկու երկրների միջև երկխոսության հաստատման ուղղությամբ։

Հունվարի 14-ին Մոսկվայում տեղի է ունեցել Հայաստանի և Թուրքիայի միջև հարաբերությունների կարգավորման հատուկ ներկայացուցիչ, ՀՀ ԱԺ փոխնախագահ Ռուբեն Ռուբինյանի և փորձառու թուրք դիվանագետ, ԱՄՆ-ում նախկին դեսպան Սերդար Քըլըչի առաջին հանդիպումը։

Հայաստանի ԱԳՆ-ից հայտնել են, որ հանդիպումն անցել է դրական և կառուցողական մթնոլորտում, հատուկ ներկայացուցիչները նախնական մտքեր են փոխանակել Հայաստանի և Թուրքիայի միջև երկխոսության կարգավորման գործընթացի շուրջ։ Կողմերը պայմանավորվել են շարունակել բանակցություններն առանց նախապայմանների, երկրորդ հանդիպման օրն ու վայրը կորոշվեն դիվանագիտական խողովակներով։-0-