ԵՐԵՎԱՆ, 19 նոյեմբերի./Նովոստի-Արմենիա/. Առաջնագծում շարունակվում է մարտական հերթապահությունը, հաղորդում է Հայաստանի Պաշտպանության նախարարության մամուլի ծառայությունը:
«Զինված ուժերի զինծառայողները, պահեստազորայիններն ու հայրենիքի պաշտպանությանը կամավորագրվածները, ինչպես և պատերազմական օրերին, մարտական դիրքերում շարունակում են զգոնությամբ և պատասխանատվությամբ իրականացնել իրենց վերապահված գործառույթները»,- նշվում է հաղորդագրաոթյան մեջ։
Հաղորդվում է, որ նրանց կողքին են նաև զինված ուժերի հոգևոր սպասավորները՝ գնդերեցները, ովքեր իրենց խոսքով և օրհնությամբ ամրացնում են հայրենյաց պաշտպանների կամքը և սերն առ հայրենիք։-0-