ԵՐԵՎԱՆ, 26 նոյեմբերի./Նովոստի-Արմենիա/. Մինչև ռազմագերիների փոխանակում չլինի, Բերձորից (Լաչին) զորքն ու բնակչությունը չպետք է տեղահանել, Facebook-յան էջում գրել է «Լուսավոր Հայաստան» ընդդիմադիր կուսակցության և խմբակցության առաջնորդ Էդմոն Մարուքյանը:
Դիմելով «պարտված իշխանություններին», Մարուքյանը զարմանք է հայտնել, թե ինչու կառավարությունը հետևողական չէ ռազմագերիների վերադարձին:
«Այդ ինչպե՞ս եղավ, որ Բերձորը հանձնելու ժամանակացույցին հետևողական եք, իսկ ռազմագերիների վերադարձին` ոչ»,- հարցնում է Մարուքյանը:
Երկու շաբաթ առաջ Արցախի նախագահի օգնական Դավիթ Բաբայանը հայտնել է հայկական ԶԼՄ-ներին, որ Բերձորը Ադրբեջանի վերահսկողության տակ չի անցնելու, հայ բնակչությունը չի տարհանվելու:
Նրա խոսքով, Բերձորով պահպանվելու է Հայաստանի հետ կապը, ռուսական կողմը երեք տարվա ընթացքում կկառուցի նոր ճանապարհ, որը կշրջանցի Շուշին՝ Ստեփանակերտի հետ ուղիղ կապ ապահովելու համար:
Загружается новость ... "Лево"
Սակայն հինգշաբթի օրը սոցցանցերում հաղորդագրություններ են հայտնվում, որ Բերձորի իշխանություններին հանձնարարվել է նոյեմբերի 25-ից կազմակերպել տեղի հայերի տարհանումը: Այդպիսով, Ստեփանակերտի և հարակից մի քանի շրջանների բնակչությունը հայտնվում է Ադրբեջանի վերահսկողության տակ գտնվող տարածքների շրջափակման մեջ:
Միաժամանակ, համաձայն նոյեմբերի 9-ին Հայաստանի, Ռուսաստանի և Ադրբեջանի միջև ստորագրված հայտարարության, Բերձորով պետք է անցնի Լաչինի միջանցքը՝ 5 կմ երկարությամբ, որը կկապի Արցախը Հայաստանի հետ, իսկ դրա անվտանգությունն ապահովելու են ռուս խաղաղապահները: -0-