ԵՐԵՎԱՆ, 16 նոյեմբերի./Նովոստի-Արմենիա/. Մի քանի հարյուր անհետ կորած զինծառայողներ կան, գերիների փոխանակությունը ԼՂ հակամարտության կողմերի միջև տեղի կունենա մարմինների փոխանակումից հետո: Այս մասին հայտնել է ՀՀ վարչապետ Նիկոլ Փաշինյանը առցանց ասուլիսի ընթացքում:
«Ես հիմա կոնկրետ թիվը չհրապարակեմ։ Ունենք թիվ, ցավոք, մի քանի հարյուր անհետ կորած զինվորների մասին է խոսքը։ Հույս ունենք, որ բոլորի դեպքում չէ, որ նույն եզրակացությանը կհանգենք։ Հույս ունենք, որ կգտնենք մի մասին ողջ, եթե ոչ առողջ, ապա՝ ողջ։ Օրինակ, երեկ իմացա, որ վիրավոր զինվոր է հայտնաբերվել, ով նախկինում համարվում էր անհետ կորած», - հայտնել է նա:
Փաշինյանը նշել է, որ քննարկվում է սգո օր հայտարարելու հարցը:
«Ես ճիշտ եմ համարում, որ այդ որոշումը կայացվի, երբ զոհվածների մարմինների հայտնաբերման գործընթացը հասցնենք ավարտին և հնարավորություն ունենանք հարգանքի տուրք մատուցել պետական մակարադակով կայացված որոշումների շրջանակում»,- նշել է վարչապետը:
Նաև Փաշինյանն ընդգծել է, որ զոհված զինծառայողների համար նախատեսված սոցիալական երաշխիքների ապահովման անհրաժեշտությունը, այդ թվում հաշմանդամություն ստացած զինծառայողների:
«Կառավարությունը միջոցներ ձեռնարկում է, և մենք ունենք վստահություն, որ այդ ամեն ինչը կարվի պատշաճ մակարդակով»,- նշել է նա:
Նաև Փաշինյանը կարևորել է շփումը զոհվածների ընտանիքների անդամների և հաշմանդամություն ստացած զինծառայողների հետ, քանի որ նրանց հետագա կյանքի կազմակերպումը կարևորագույն խնդիրներից մեկն է և կառավարությունն այստեղ պետք է շատ ակտիվ դերակատարություն ունենա: -0-
