ԵՐԵՎԱՆ, 16 փետրվարի. /Նովոստի–Արմենիա/. Արաբական Al Jazeera հեռուստաալիքի պաշտոնական կայքը
նյութ է հրապարակել «Լեռնային Ղարաբաղ. հարևանությամբ ընթացող լուռ պատերազմ» անվանումով։
Նյութի հեղինակ Գազ Պալմերը նշում է, որ Լեռնային Ղարաբաղի հակամարատությունը չի դադարում 1991 թվականին Խորհրդային Միության փլուզման պահից, և որ այդ տարիների ընթացքում տասնյակ հազարավոր մարդիկ դարձել են դիմակայության զոհ և ստիպված են եղել լքել իրենց տները։
Լուսանկարը` Gus Palmer/Al Jazeera
«Ղարաբաղյան պատերազմը լուռ է, սառը և կեղտոտ, սակայն այն կարող է բռնկվել ցանկացած պահի, ինչպես դա տեղի ունեցավ 2016 թվականին, երբ երկու կողմերից զոհվեց շուրջ 400 հազար մարդ»,– գրում է Պալմերը։
Загружается новость ...
"Право"
Նյութի հեղինակն այցելել է Ղարաբաղի մի շարք բնակաբայրեր և եղել է առաջնագծում, որտեղ ոչ միայն լուսանկարել է, այլ նաև շփվել զինվորների և հրամանատարական կազմի հետ։ Իր հոդվածում նա բերում է Մարտունու զորամասերից մեկի հրամանատարի մեջբերումը, ով նշում է, որ զորքերը «միշտ պատրաստ են պատերազմի»։
Լուսանկարը` Gus Palmer/Al Jazeera
Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին։
1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։
Լուսանկարը` Gus Palmer/Al Jazeera
Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։ 1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։
Պատերազմի հետևանքով երկու կողմից զոհվեց մոտավորապես 25-30 հազ մարդ և մոտ մեկ միլիոնը ստիպված եղավ լքել բնակավայրերը։ Զինադադարի ռեժիմի մասին համաձայնությունը պահպանվում է մինչ այժմ։ 1992 թ.-ից մինչ օրս ընթանում են բանակցություններ` հակամարտության խաղաղ կարգավորման ուղղությամբ` ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան։-0-
