Ադրբեջանը չի տանում իր զոհերի մարմինները. Արցախի նախագահի խորհրդականը բացատրել է, թե ինչու

ԵՐԵՎԱՆ, 20 հոկտեմբերի․ /Նովոստի-Արմենիա/․ Ադրբեջանը շահագրգռված չէ դիակները վերցնելու մեջ, քանի որ զոհերն այնքան շատ են, որ իշխանությունները չեն կարողանա պատասխան տալ այդ զոհերի համար ոչ հիմա, ոչ էլ ապագայում: Այս մասին «Շանթ-TV» - ին տված հարցազրույցում ասել է Արցախի նախագահի խորհրդական Դավիթ Բաբայանը:

«Քանի որ նրանք շատ զոհեր ունեն, առաջնագծից մի քանի հազար մարմին չի տարվել: Կան վայրեր, որտեղ սանիտարական իրավիճակը պարզապես սարսափելի է, քանի որ ընթանում են համապատասխան ֆիզիոլոգիական պրոցեսները, և որոշ տարածքներում անհնար է նույնիսկ կանգնել այդ հոտից», - ասաց նա:

Որպես Ադրբեջանի վրա ազդող մեկ այլ խոչընդոտ՝ նախագահի խորհրդականը անվանել է այն փաստը, որ Կարմիր խաչի միջազգային կոմիտեն մարմինների փոխանակման ընթացքում կարող է տեղում ճանաչել զոհվածներին՝ թուրքական ստորաբաժանումների զինծառայողներին և ահաբեկիչներին:

«Բայց ամենակարևորն այն է, որ նրանք չեն հարգում ո՛չ դավանանքը, ո՛չ հավատը, որովհետև Ղուրանում չի ասղում, որ պետք է երեխաներ սպանել, սպանել անմեղ մարդկանց, ովքեր գերի են ընկել: Նման բան չկա: Հետևաբար, ինչպես նրանք գնդակոծում են Ղազանչեցոցը (Սուրբ Քրիստոսի Ամենափրկիչ տաճարը Շուշիում), այդպես էլ նրանք իրենց վարքագծով «գնդակոծում» են իսլամի հիմքերը, - ասել է նա:-0-