526.81
7.46
477.4
-2
Եղանակը Երևանում
Հայ

Երևանը մեղադրել է Բաքվին բանակցությունները ձախողելու փորձի մեջ (ՎԻԴԵՈ)

20:13
31 Մայիսի 2019

ԵՐԵՎԱՆ, 31 մայիսի./Նովոստի–Արմենիա/. ՀՀ ԱԳՆ մամուլի խոսնակ Աննա Նաղդալյանն ուրբաթ մեկնաբանել է Ադրբեջանի ԱԳՆ–ի հայտարարությունը։

Ադրբեջանի ԱԳՆ–ն հայտարարություն է տարածել, որում հայկական կողմին մեղադրում է իր զինծառայողի սպանության մեջ` եզրակացնելով, որ «հայկական կողմի կոչերը խաղաղության մթնոլորտի կառուցման մասին կեղծ են և իրականում Հայաստանը ցանկանում է խաթարել բանակցությունները»։ 

«Բանակցությունների համար համապատասխան մթնոլորտ ձևավորելու առաջարկը պատկանում է Հայաստանին։ Հայկական կողմը չի կարող մերժել այն, ինչ հենց ինքն է առաջարկել։ Այդ մթնոլորտի ստեղծմանն էին միտված Դուշանբեում ձեռք բերված պայմանավորվածությունները, որոնք հիմնականում պահպանվում են։ Հայաստանը և Արցախը հավատարիմ են իրենց հանձնառություններին», – նշել է Նաղդալյանը` հավելելով, որ Արցախը կտրականապես հերքել է զինծառայողի սպանության մասին ադրբեջանական կողմի տարածած տեղեկատվությունը, և «ճիշտ կլիներ, որ մեղադրանքներ հնչեցնելուց առաջ ադրբեջանական կողմը իրականացներ ներքին հետաքննություն ենթադրյալ միջադեպի վերաբերյալ` իրականությունը պարզելու նպատակով»: 

Նաղդալյանի խոսքով, հրադադարի խախտումների հետաքննության մեխանիզմի առկայության պարագայում հնարավոր չէր լինի ապատեղեկատվություն տարածել հրադադարի խախտումների մասին։ 

«Հատկանշական է, որ հենց ադրբեջանական կողմի մերժման պատճառով այդ մեխանիզմը մինչ օրս չի ստեղծվել։ Ստեղծված իրավիճակում ընդգծում ենք հրադադարի ամրապնդման, այդ թվում հետաքննող մեխանիզմ ստեղծելու 2016թ․ Վիեննայի և Սանկտ Պետերբուրգի գագաթաժողովներում ձեռք բերված համաձայնությունների իրականացման կարևորությունը», – ընդգծել է Աննա Նաղդալյանը։ 

«Ուշագրավ է նաև, որ զինծառայողի սպանության մեջ հայկական կողմին մեղադրող լուրեր Բաքուն տարածում է համանախագահների տարածաշրջանում գտնվելու օրերին։ Սա բանակցային գործընթացը խաթարելու և համանախագահների կողմից նախանշված առաջիկա հանդիպումը ձախողելու փորձ է», – հայտարարել է ՀՀ ԱԳՆ մամուլի խոսնակը։

Տարածաշրջանային այցից հետո ԵԱՀԿ ՄԽ համանախագահների, ինչպես նաև ԵԱՀԿ գործող նախագահի անձնական ներկայացուցչի տարածած հայտարարության մեջ նշվում է, որ Հայաստանի և Ադրբեջանի ԱԳ 

«Նման կեղծ լուրեր տարածելով Բաքուն փորձում է իր ապակառուցողական քաղաքականության մեղքը բարդել բանակցային մյուս կողմերի` Հայաստանի ու Արցախի վրա։ Այն ցույց է տալիս, թե որքանով է Բաքուն պատրաստ արձագանքել հիմնահարցի հանգուցալուծման միջնորդական ջանքերին, որքանով է պատրաստ շարունակել ու առաջ մղել բանակցությունները», – հայտարարել է Նաղդալյանը։ 

ՀՀ ԱԳՆ մամուլի խոսնակը նաև նշել է, որ Հայաստանը հավատարիմ է խաղաղության գործընթացում իր դրական ներգրավվածության հանձնառությանը և ձեռք բերված պայմանավորվածությունների իրականացմամբ շարունակելու է ջանքեր ներդնել դրան նպաստող մթնոլորտի ստեղծման ուղղությամբ։ 

Պատասխանելով այն հարցին, որ Հայաստանի հասցեին հնչող մեղադրանքների հետ մեկտեղ՝ Ադրբեջանի ԱԳՆ կողմից նշվեց այնտեղ ապրող հայերի, Ադրբեջանի՝ հանդուրժողականության երկիր լինելու, ինչպես նաև Հայաստանի ներքաղաքական խնդիրների մասին` Նաղդալյանը հետաքրքիր է համարել այն փաստը, որ իր տարածքում բնակվող հայերի մասին նշում է մի երկրի ներկայացուցիչ, որտեղ արգելվում է ոչ միայն հայերի, այլ նույնիսկ նրանց ազգանունների գոյությունը տարբեր ազգերի ֆուտբոլասերների շապիկների վրա: 

«Ադրբեջանում առ այսօր առկա անհանդուրժողականությունը հետևանք է Սումգայիթի, Բաքվի և այլ բնակավայրերում իրականացված հակահայկական ջարդերի, հայատյացության սերմանման քաղաքականության անպատժելիության, որի գագաթնակետը եղավ Սաֆարովի հերոսացումը և Արցախի դեմ Ադրբեջանի 2016թ. ապրիլյան ագրեսիան, որն ուղեկցվում էր զազրելի վայրագություններով:

Ինչ վերաբերում է Հայաստանի «ներքին քաղաքական խնդիրներին», մենք ժամանակ չենք վատնում բացատրելու ժողովրդավարական հասարակության գործունեության տարրական կանոնները», – ընդգծել է Աննա Նաղդալյանը։–0–



Թեմատիկ նյութեր
Բաժնի այլ նյութեր
22:52
12 Նոյեմբերի 2019
Փաշինյանն ադրբեջանցի բլոգերին բացատրել է «Արցախը Հայաստան է և վերջ» արտահայտության իմաստը
Փաշինյանն ադրբեջանցի բլոգերին բացատրել է «Արցախը Հայաստան է և վերջ» արտահայտության իմաստը:
20:21
12 Նոյեմբերի 2019
Փաշինյան. Ադրբեջանը ցանկանում է ունենալ տարածքներ առանց ժողովրդի
Փաշինյանը Փարիզում հայտարարել է, որ Ադրբեջանը ցանկանում է ունենալ տարածքներ առանց ժողովրդի։
15:37
11 Նոյեմբերի 2019
Լավրով. առանց ԼՂ ժողովրդի համաձայնության անհնար կլինի ձևակերպել որևէ պայմանավորվածություն
ՌԴ ԱԳ նախարարը հայտարարել է, որ առանց ԼՂ ժողովրդի համաձայնության անհնար կլինի ձևակերպել որևէ պայմանավորվածություն։
20:20
09 Նոյեմբերի 2019
2020թ.–ից Արցախը կունենա բջջային 2–րդ օպերատոր. Արցախի ու ՀՀ-ի միջև ռոումինգը կչեղարկվի
Լավ լուր. 2020թ.–ից Արցախը կունենա բջջային 2–րդ օպերատոր, Արցախի ու Հայաստանի միջև ռոումինգը կչեղարկվի։
16:59
09 Նոյեմբերի 2019
ՌԴ ԱԳՆ–ն անհիմն է որակել Ադրբեջանի բողոքի նոտայի պահանջները` կապված Արցախի պատվիրակության մոսկովյան այցի հետ
ՌԴ-ն անհիմն է որակել Ադրբեջանի բողոքի նոտայի պահանջները` կապված Արցախի պատվիրակության մոսկովյան այցի հետ:
15:35
09 Նոյեմբերի 2019
Հակառակորդը շփման գոտում հրադադարի ռեժիմը խախտել է ավելի քան 200 անգամ` արձակելով շուրջ 2500 կրակոց. ԱՀ ՊՆ
Հակառակորդը 7 օրում հրադադարի ռեժիմը խախտել է ավելի քան 200 անգամ` արձակելով շուրջ  2500 կրակոց։
16:19
07 Նոյեմբերի 2019
Արցախում զինծառայողի մահվան փաստով ձերբակալվել է նրա ծառայակիցը
Արցախում զինծառայողի մահվան փաստով ձերբակալվել է նրա ծառայակիցը:
17:59
01 Նոյեմբերի 2019
Մնացականյանը նշել է Արցախյան հարցում տեղաշարժի անհրաժեշտ պայմանները
Մնացականյանը հայտնեց, որ բանակցություններում կա առաջընթաց:
18:03
31 Հոկտեմբերի 2019
Լավրով. Հայաստանի և Ադրբեջանի լրագրողների փոխայցելությունների շուրջ բանակցությունները շարունակվում են, «հույս կա»
Երևանի և Բաքվի բանակցությունները լրագրողների փոխադարձ ուղևորությունների հարցով ընթանում է ԵԱՀԿ քարտուղարության միջնորդությամբ
10:41
31 Հոկտեմբերի 2019
Ադրբեջանը գնում է առաջնագծում իրադրությունը արհեստականորեն լարելու ուղղությամբ. Արցախը կպատասխանի սադրանքների դեպքում. ԱՀ ՊՆ
Արցախի ՊՆ–ից հայտնում են, որ Ադրբեջանը գնում է առաջնագծում իրադրությունը արհեստականորեն լարելու ուղղությամբ և հակառակորդի սադրանքների շարունակման դեպքում դիմելու է իրավիճակից բխող համարժեք գործողությունների։
13:27
25 Հոկտեմբերի 2019
ՀՀ ԱԳՆ-ն մեկնաբանել է Հայաստանի և Ադրբեջանի ԱԳ նախարարների հանդիպման լուրը
Աննա Նաղդալյանը մեկնաբանել է Լայչակի՝ Բրատիսլավայում Հայաստանի և Ադրբեջանի ԱԳ նախարարների հանդիպում հյուրընկալելու հայտարարությունը:
13:47
24 Հոկտեմբերի 2019
Հայտնի է Հայաստանի և Ադրբեջանի արտաքին գործերի նախարարների հանդիպման վայրը
Ըստ ԵԱՀԿ գործող նախագահի, նա բարձր է գնահատում նաև Հայաստանի և Ադրբեջանի առաջնորդների կողմից գործադրված ջանքերը հակամարտության կարգավորման ուղղությամբ: