ԵՐԵՎԱՆ, 9 հոկտեմբերի./Նովոստի–Արմենիա/. Հայաստանն ու Ադրբեջանը հաստատել են, որ իրենց ԱԳ նախարարները Մոսկվայում կմասնակցեն խորհրդակցությունների, որոնք կանցկացվեն ուրբաթ։
Загружается новость ... "Лево"
Այս պահին ընթանում է ակտիվ նախապատրաստություն այդ միջոցառմանը, ՏԱՍՍ–ին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Բաքուն ու Երևանը հաստատել են մասնակցությունը Մոսկվայի խորհրդակցություններին։ Ընթանում է ակտիվ նախապատրաստական աշխատանք», – նշել է նա։
«Արտաքին գործերի նախարարների մակարդակով», – պարզաբանել է Զախարովան հանդիպման ձևաչափը։
Հիշեցնենք, որ ՌԴ նախագահ Վլադիմիր Պուտինը հոկտեմբերի 8–ին կոչ է արել Հայաստանի և Ադրբեջանի դադարեցնել ղարաբաղյան հակամարտության գոտում ընթացող ռազմական գործողությունները` ելնելով հումանիտար նկատառումներից` զոհերի մարմիններն ու գերիներին փոխանակելու նպատակով։ ՌԴ ԱԳ նախարարի միջնորդությամբ այդ հարցերի շուրջ խորհրդակցություններ անցկացնելու համար հոկտեմբերի 9–ին Մոսկվա են հրավիրվել Ադրբեջանի և Հայաստանի արտգործնախարարները։–0–