Պուտինը բացատրել է` ինչու է ԼՂ հակամարտության կարգավորումը կարևոր Ռուսաստանի համար

ԵՐԵՎԱՆ, 20 նոյեմբերի./Նովոստի–Արմենիա/. ՌԴ նախագահ Վլադիմիր Պուտինը հայտարարել է ԼՂ հակամարտության կարգավորման կարևորության մասին ՌԴ ներքին անվտանգոււթյան համար, գրում է ՏԱՍՍ–ը։

«Մեզ համար, Ռուսաստանի համար նմանատիպ հակամարտություններն ու դրանց կարգավորումը հատուկ նշանակություն ունեն, մեզ համար դրանք դատարկ խոսքեր չեն` հաշվի առնելով, որ Ռուսաստանում բնակվում են միլիոնավոր հայեր և ադրբեջանցիներ», – ասել է Պուտինն ուրբաթ ԼՂ–ում ռուս խաղաղապահ առաքելությանը նվիրված խորհրդակցության ժամանակ։

Նա նշել է, որ Ադրբեջանի և Հայաստանի հետ Ռուսաստանին «կապում են բազմադարյան կապեր»։

«Դա մեզ համար ունի նաև ներքաղաքական նշանակություն, ներկայացնում է մեծ նշանակություն ներքին անվտանգության ապահովման, քաղաքականության տեսակետից», – ասել է Պուտինը։–0–