Փաշինյանն անդրադարձել է ԵԱՀԿ ՄԽ համանախագահության լուծարման մասին գնահատականներին

ԵՐԵՎԱՆ, 22 ապրիլի./Նովոստի–Արմենիա/. ԵԱՀԿ Մինսկի խմբի համանախագահության լուծարման մասին գնահատականները հիմնավորված չեն, հայտարարել է ՀՀ վարչապետ Նիկոլ Փաշինյանն այսօր կառավարության նիստի ժամանակ:


«Մենք հստակ տեսնում ենք, որ համանախագահող բոլոր երկրները ԼՂ հարցի կարգավորման իրենց մանդատին հավատարիմ են մնում՝ չնայած այն հանգամանքին, որ Ուկրաինայում ծավալվող իրադարձությունները համանախագահողների համատեղ գործունեության համար դժվարություններ են ստեղծել, բայց նույնիսկ այս պայմաններում համանախագահները գործում են, այցելում են տարածաշրջան ու քաղաքական մակարդակով արձանագրում են իրենց հանձառությունն՝ աջակցել Լեռնային Ղարաբաղի հարցի կարգավորմանը, սա լավատեսության շոշափելի հիմքեր է տալիս», - ասաց նա`ավելացնելով, որ ադրբեջանական ստորաբաժանումների ներխուժումը Փառուխ չափազանց անհանգստացնող փաստ է։

Փաշինյանը հույս հայտնեց, որ ԼՂ-ում ռուս խաղաղապահները կապահովեն ադրբեջանական ստորաբաժանումների լիարժեք դուրսբերումը:–0–