Մարկեդոնովը խոսել է Ղարաբաղի հայտարարության փխրունության մասին

ԵՐԵՎԱՆ, 10 նոյեմբերի./Նովոստի–Արմենիա/. Մոսկվայի միջազգային հարաբերությունների պետական ինստիտուտի Միջազգային ուսումնասիրությունների ինստիտուտի Եվրո–ատլանտյան անվտանգության կենտրոնի առաջատար գիտաշխատող Սերգեյ Մարկեդոնովը «փխրուն կոնստրուկցիա է» անվանել Ղարաբաղում կրակի դադարեցման հայտարարությունը, որը ստորագրվել է նախօրեին Հայաստանի, Ռուսաստանի և Ադրբեջանի առաջնորդների կողմից։

«Համաձայնագրի տեքստում ես, փաստորեն, տեսնում եմ նույն «հիմնարար սկզբունքները», տեսքը կողքից է, որոնք ընդունվել են արտառոց պայմաններում։ Եվ դա կոնստրուկցիան դարձնում է փխրուն», – գրել է քաղաքագետն իր Facebook–յան էջում։

Նա նաև ընդգծել է, որ փաստաթուղթը ստորագրելը քիչ է, պետք է այն կյանքի կոչել։

«Ինչի մասին ես գրում եմ 2009թ.–ից, երբ այդ սկզբունքները հայտնվեցին։ Մեզ բոլորիս սպասում են բարդ ժամանակներ։ Պատմությունն ավարտված չէ», – կարծում է Մարկեդոնովը։

Եռակողմ հայտարարության մասին

ՌԴ նախագահ Վլադիմիր Պուտինը նախօրեին հայտարարել է, որ Հայաստանի և Ադրբեջանի զինված ուժերը կանգ են առնում իրենց զբաղեցրած դիրքերում, իսկ Լեռնային Ղարաբաղի շփման գծի երկայնքով և Լեռնային Ղարաբաղը Հայաստանի Հանրապետության հետ կապող միջանցքով, տեղակայվում են Ռուսաստանի Դաշնության խաղաղապահ զորակազմ:

Լեռնային Ղարաբաղում ռազմական գործողությունների դադարեցման մասին համաձայնագիրը ենթադրում է նաև փախստականների վերադարձ տարածաշրջան:

Ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից տարածք` ՄԱԿ-ի փախստականների հարցերով գերագույն հանձնակատարի վերահսկողության ներքո:

Պետք է տեղի ունենա «ռազմագերիների, այլ կալանավորվածների և մահացածների մարմինների փոխանակում»:

Տարածաշրջանի բոլոր տնտեսական և տրանսպորտային կապերն ապաարգելափակվում են: Տրանսպորտային հաղորդակցությունների նկատմամբ հսկողությունն իրականացվում է Ռուսաստանի Սահմանապահ ծառայության [ԱԴԾ] մարմինների օժանդակությամբ:

Ռուսաստանի ղեկավարն ակնկալում է, որ «ձեռք բերված պայմանավորվածությունները անհրաժեշտ պայմաններ կստեղծեն Լեռնային Ղարաբաղի շուրջ ստեղծված ճգնաժամի երկարաժամկետ և ամբողջական ձևաչափով կարգավորման համար արդար հիմքի վրա և հայ և ադրբեջանցի ժողովուրդների շահերի համար»:-0-