Խրամորթ համայնքի կանայք և երեխաները մինչ օրս չեն վերադարձել հայրենի գյուղ Ադրբեջանի սպառնալիքների պատճառով

ԵՐԵՎԱՆ, 16 մարտի./Նովոստի–Արմենիա/. Վերջին օրերին Ադրբեջանի զինված ուժերի կողմից իրականացվող սադրանքների պատճառով Ասկերանի շրջանի Խրամորթ համայնքից ժամանակավորապես այլ բնակավայրեր են տեղափոխվել գյուղի կանայք և երեխաները։


Ինչպես տեղեկացնում է Ասկերանի շրջանի վարչակազմը, նրանք դեռևս չեն վերադարձել հայրենի գյուղ, քանի որ իրականացվում են անվտանգային լրացուցիչ աշխատանքներ։ծ

«Այլ բնակավայրերի բնակիչների անվտանգության մասով որևէ նման խնդիր առկա չէ, և անհրաժեշտություն չկա լրացուցիչ նախազգուշական միջոցներ ձեռք առնել բնակչության կողմից: ԱՀ Պաշտպանության բանակը և մնացած լիազոր մարմինները հետևում են իրավիճակին և, ըստ անհրաժեշտության, կձեռնարկեն անվտանգության համապատասխան միջոցառումներ», – նշվում է հաղորդագրության մեջ:–0–