Խաղաղապահների մտցնելը Արցախ առանց հակամարտող կողմերի համաձայնության ռազմական բարդ օպերացիա է լինելու. Իսկանդարյան

ԵՐԵՎԱՆ, 4 հոկտեմբերի./Նովոստի–Արմենիա/. Խաղաղապահների մտցնելը Արցախ առանց հակամարտող կողմերի համաձայնության ռազմական բավականին բարդ օպերացիա է լինելու, «Նովոստի–Արմենիա» գործակալությանը հայտնեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը։


ՀՀ վարչապետ Նիկոլ Փաշինյանը, պատասխանելով «Ալ Ջազիրա» հեռուստաալիքի լրագրողի այն հարցին, թե, արդյոք, նա կցանկանա՞ր տեսնել Ռուսաստանի խաղաղապահներին, օրինակ` Լեռնային Ղարաբաղում, նշել է, որ այդ հարցերը կարող են քննարկվել ավելի մեծ համատեքստում` ԵԱՀԿ Մինսկի խմբի շրջանակներում։

«Այս պահին վաղ է խոսել այդ մասին (խաղապահներ մտցնելու), և պարոն Փաշինյանը ևս խոսել է տարբերակի, հնարավորության մասին, այլ ոչ թե այն մասին, թե ինչ կարող է տեղի ունենալ հենց հիմա», – ասաց նա։

Իսկանդարյանի խոսքով, ինչ–որ ֆորմատ քննարկելու համար պետք է դադարեցնել ռազմական գործողությունները։

«Այսինքն, խոսքն այս պահին այն բանի մասին է, որ պետք է սկզբից դադարեցնել բռնությունը, իսկ հետո քննարկել տարբեր ձևաչափեր», – նշեց նա։

Քաղաքագետը կարծում է, որ այս պահին բանակցությունների ինչ–որ տեսակի մասին խոսել կարելի է միայն որպես տարբերակ։

«Հիմա պետք է կանգնեցնել Ադրբեջանին, որպեսզի դադարի այն, ինչ տեղի է ունենում ռազմաճակատում։ Դրանից հետո կարելի է մտածել տարբեր տարբերակների, այդ թվում` խաղաղապահներ մտցնելու մասին», – հայտարարեց Իսկանդարյանը։–0–