Ճանաչենք մեր հերոսներին. կապիտան Արսեն Գաբրիելյանը շարքից հանել է թշնամու 12 տանկ ու մեր ուժերի օգտին վճռել մարտական մի շարք դրվագների ելքը

ԵՐԵՎԱՆ, 15 հոկտեմբերի./Նովոստի–Արմենիա/. Արցախ նախագահի մամուլի խոսնակ Վահրամ Պողոսյանը ներկայացրել է հակատանկային մարտկոցի հրամանատար, կապիտան Արսեն Գաբրիելյանի սխրագործությունները։

«Հակատանկային մարտկոցի հրամանատար, կապիտան Արսեն Գաբրիելյանը շարքից հանել է թշնամական 12 տանկ ու մեր ուժերի օգտին վճռել մարտական մի շարք դրվագների ելքը: Արսենը քառօրյա պատերազմի ժամանակ էլ երեք տանկ էր խոցել և արժանացել «Արիության համար» մեդալի», – գրել է Պողոսյանը Facebook–յան իր էջում։–0–