ԵՐԵՎԱՆ, 2 հունիսի./Նովոստի-Արմենիա/. ՀՀ ԱԽ քարտուղար Արմեն Գրիգորյանը հինգշաբթի ճեպազրույցի ժամանակ նշեց սկզբունքները, որոնց վրա հենվում է պաշտոնական Երևանը ղարաբաղյան հարցով բանակցությունների գործընթացում:
Պատասխանելով այն հարցին, թե ՀՀ իշխանությունների համար էակա՞ն է բանակցությունների գործընթացում շեշտադրում կատարել ազգերի ինքնորոշման և ինքնիշխանության իրավունքի վրա և բանակցությունները վարել այն տրամաբանությամբ, որ այդ սկզբունքները պետք է կիրառվեն Արցախի և նրա բնակչության նկատմամբ՝ Գրիգորյանը նշեց, որ ինչ վերաբերում է նրան, թե ինչ փաստաթղթեր են դրված լինելու հիմքում... դեռևս հրապարակային քննարկումների ժամանակ Հայաստաը հայտարարեց 3 փաստաթղթերի մասին, որոնց շրջանակում տեսնում է բանակցային գործընթացը:
Նրա խոսքով, Հայաստանի իշխանությունները շարունակում են հայտարարել Արցախում բնակվող հայերի անվտանգության և իրավունքների ապահովման կարևորության մասին, որից պետք է բխի կարգավիճակը:
«Մենք վստահ ենք, որ հենց իրավունքներն ու անվտանգությունը կապահովեն կարգավիճակը, կշարունակենք աշխատել այդ ուղղությամբ: Մենք վստահ ենք, որ սրանք այն կարևոր ուղղություններն են, որոնց վրա աշխատելով՝ կունենանք արդյունքներ», - ասաց նա:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
