Արցախում ՌԴ քաղաքացի է անհետ կորել

ԵՐԵՎԱՆ, 12 մայիսի./Նովոստի–Արմենիա/. Արցախում ՌԴ քաղաքացի է անհետ կորել։

Ինչպես հաղորդում է Արցախի ՆԳՆ Արտակարգ իրավիճակների պետական ծառայությունը, մայիսի 11-ին ժամը 10:50-ին ԱԻՊԾ ՓՈւՎ ԱԱՀՍ հրամանատար, փ/ծ մ-ր Մ.Ղուկասյանից տեղեկություն է ստացվել, որ ժամը 10:50-ին ԱԱՀՍ հերթապահ օպերատիվ խումբը «ՈւԱԶ» մակնիշի ավտոմեքենայով մեկնել է Ստեփանակերտ քաղաքի Կարկառ գետի «Վոլգա» կոչվող հատված` մայիսի 9–ին ժամը 16:00-ի սահմաններում գետի տվյալ հատվածում անհետացած Օ.Ս-ին (ծնվ. 1975թ, հաշվառված ՌԴ ք.Մոսկվա) որոնելու նպատակով: Որոնողական աշխատանքների արդյունքում փրկարարները Օ.Սանիկովային չեն հայտնաբերել:

Ինչպես հաղորդում է «Արմենպրեսը», անհետ կորածը Օլգա Սանիկովան է։ ՆԳ նախարարության ոստիկանությունը տեղեկացնում է, որ արդեն 2 օր է ոստիկանության ծառայողներն ու փրկարարները որոնողական աշխատանքներ են իրականացնում Կարկառ գետի երկայնքով։–0–