Արցախում Ադրբեջանը խոշոր տրամաչափի գնդացրով կրակել է քարամշակման կետի բանվորների վրա
08.02.2022,
16:30
Արցախում Ադրբեջանը խոշոր տրամաչափի գնդացրով կրակել է քարամշակման կետի բանվորների վրա
![Արցախում Ադրբեջանը խոշոր տրամաչափի գնդացրով կրակել է քարամշակման կետի բանվորների վրա Արցախում Ադրբեջանը խոշոր տրամաչափի գնդացրով կրակել է քարամշակման կետի բանվորների վրա](/upload/iblock/844/79rz0086c6n4r2zptjjgr4x3tm4nxvu2.jpg)
ԵՐԵՎԱՆ, 8 փետրվարի./Նովոստի-Արմենիա/. 2022թ. փետրվարի 05-ին, ժամը 12:00-ի սահմաններում, Ասկերան քաղաքի մերձակայքում գտնվող «Օղտեն մաշկ» կոչվող տեղամասում տեղակայված ադրբեջանական մարտական դիրքից խոշոր տրամաչափի գնդացրով մի քանի կրակահերթ է արձակվել Ասկերանի շրջանի Խրամորթ գյուղի վարչական տարածքում գործող՝ «Ապագա սերունդների հիմնադրամ» ՍՊ ընկերության քարամշակման կետի բանվորներ Գ.Բ.-ի, Ա.Թ.-ի և Ա.Հ.-ի ուղղությամբ, ովքեր տվյալ պահին տրակտորի վերանորգման աշխատանքներ էին կատարում, հաղորդում է Արցախի դատախազությունը:
«Արձակված կրակոցներից պաշտպանվելու նպատակով, մինչև ոստիկանության աշխատակիցների ժամանելը, վերջիններս շուրջ երկու ժամ ստիպված թաքնված են մնացել՝ այդ ընթացքում զանգելով և դեպքի մասին իրազեկելով իրենց տնօրինությանը», - նշվում է գերատեսչության հաղորդագրության մեջ:
Դեպքի հանգամանքները պարզելու նպատակով ԱՀ ոստիկանության կողմից ձեռնարկվում են քրեադատավարական միջոցառումներ:
Մինչդատական քրեական վարույթի օրինականության նկատմամբ հսկողությունն իրականացնում է ԱՀ Ասկերանի շրջանի դատախազությունը:-0-
«Արձակված կրակոցներից պաշտպանվելու նպատակով, մինչև ոստիկանության աշխատակիցների ժամանելը, վերջիններս շուրջ երկու ժամ ստիպված թաքնված են մնացել՝ այդ ընթացքում զանգելով և դեպքի մասին իրազեկելով իրենց տնօրինությանը», - նշվում է գերատեսչության հաղորդագրության մեջ:
Դեպքի հանգամանքները պարզելու նպատակով ԱՀ ոստիկանության կողմից ձեռնարկվում են քրեադատավարական միջոցառումներ:
Մինչդատական քրեական վարույթի օրինականության նկատմամբ հսկողությունն իրականացնում է ԱՀ Ասկերանի շրջանի դատախազությունը:-0-