ԵՐԵՎԱՆ, 30 սեպտեմբերի./Նովոստի–Արմենիա/. Ադրբեջանի ժողովուրդը տասնյակ տարիներ կհայտնվի լուրջ սոցիալ–տնտեսական խնդիրների առաջ, հայտարարեց Արցախի նախագահ Արայիկ Հարությունյանը` ներկայացնելով պատերազմի սարսափելի հետևանքները այդ երկրի ժողովրդի համար։
«Հիմնավորեմ. պատերազմը կավարտի Ադրբեջանի պարտությամբ կամ լավագույն դեպքում ոչ հաղթանակով։ Հետևանքները հազարավոր կամ տասնյակ հազարավոր զոհեր նրանց կողմից և շատ ավելի վիրավորներ», – ասաց նա չորեքշաբթի Ստեփանակերտում կայացած ճեպազրույցի ժամանակ։
Նախագահը նշեց, որ պատերազմի հետևանքով կքանդվի ադրբեջանական տնտեսությունը, որը անհնար կլինի վերականգնել տասնյակ տարիների ընթացքում։
Загружается новость ... "Лево"
«Նախկին ռեսուրսները կրճատվում են, ֆինանսական ռեզերվերն ավարտվում են և, իհարկե, պետք է (իշխանությունները) արդարացնեն նախկին տարիների ընթացքում հարյուր միլիարդավոր դոլարների փոշիացումը», – ասաց նա։
Հարությունյանն ընդգծեց, որ Ադրբեջանի ղեկավարությունը ստիպված կլինի պատասխան տալ, քանի որ խոսքը փողերի մասին է, որոնք այդ հանրապետությունը ստացել է նավթի վաճառքից վերջին մի քանի տարիների ընթացքում։
Արցախում իրավիճակի սրացման մասին
Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։
Ադրբեջանական կողմը կրել է կենդանի ուժի մեծաքանակ կորուստներ, կորցրել է նաև մեծ քանակի տեխնիկա:
Արցախի և Հայաստանի ՊՆ–ների հաղորդմամբ, հայկական կողմից զոհվել է 103 զինծառայող։ Վիրավորվել է մոտ 200 զինծառայող։
Նշենք, որ Ադրբեջանի ԶՈւ–ն գնդակոծում է նաև խաղաղ բնակավայրերը, այդ թվում` Արցախի մայրաքաղաք Ստեփանակերտը, Մարտակերտը։
Արցախում և Հայաստանում հայտարարվել է ռազմական դրություն և համընդհանուր զորահավաք։–0–