Ադրբեջանի և Հայաստանի միջև ակտիվ ռազմական գործողությունները դադարեցնելուն ուղղված աշխատանքը շարունակվում է։
Այս մասին երեքշաբթի լրագրողներին ասել է ՌԴ նախագահի մամուլի խոսնակ Դմիտրի Պեսկովը, հաղորդում է
ՏԱՍՍ–ը։
«Շարունակվում է աշխատանքը ռազմական բախումները դադարեցնելու և կարգավորման գործընթացը քաղաքական–դիվանագիտական հուն տեղափոխելու համար։ Ավել բան չեմ կարող ասել», – հայտարարել է Պեսկովը` պատասխանելով այն հարցին, թե, արդյոք, նախապատրաստվում է
Հայաստանի և Ադրբեջանի առաջնորդների այցը ՌԴ`կոնսենսուս որոնելու համար։
Նախօրեին ՀՀ վարչապետ Նիկոլ Փաշինյանը ՏԱՍՍ–ին տված հարցազրույցում պատրաստակամություն է հայտնել այցելել Մոսկվա` հանդիպելու Ադրբեջանի նախագահի Իլհամ Ալիևի հետ` Ղարաբաղի հարցով բանակցություններ վարելու նպատակով։–0–
