ԲԱՑԱՌԻԿ. ինչպե՞ս են թուրքերը հասել Շուշի, հրապարակվել են թուրքական 1500 հոգանոց խմբի առաջխաղացման կադրերը (ՎԻԴԵՈ)
12:15
17 Փետրվարի 2021
ԵՐԵՎԱՆ, 17 փետրվարի./Նովոստի–Արմենիա/. Հասարակական գործիչ, ռեժիսոր Արշակ Զաքարյանը Facebook–յան իր էջում հրապարակել է հայ հատուկջոկատայինների կադրեր, ովքեր արցախյան պատերազմի ժամանակ հայտնաբերել են թուրքերի` դեպի Շուշի շարժվող 1500 հոգանոց խումբը։
«Ահա ընդամենը մի փոքրիկ հատված, թե ինչպես են մեր հատուկ ջոկատային հետախույզները հայտնաբերում թուրքերի դեպի Շուշի շարժվող 1500 հոգանոց խումբը, և պարբերաբար հայտնում նրանց կոնկրետ կոորդինատները, որպեսզի նրանց ոչնչացնեն մեր հրետանիով (իմիջայլոց տղերքը հենց այդ առաջադրանքով հատուկ գնացել էին իրենց կյանքը վտանգելով մտել վտանգավոր զոնա) ու մի երկու ժամ զարմացած ու զայրացած սպասում թե ինչպես են անարգել, «գուլյատ» լինելով գալիս հասնում իրենց, առանց ոչ մի կրակոց մինչև Շուշիի մատույցները», – գրել է Զաքարյանը։
Նա ընդգծել է, որ առնվազն 2 ժամից ավել անընդհատ տրվող ճշգրիտ կոորդինատներով շարժը մի զալպով կարելի էր վերացնել:
«Ինչու՞ և ում հրամանով դա չէր արվում: Պատասխանատուները պատասխան կտան դատարանում Հայ Դատի առջև», – նշել է նա։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները