Ողբերգական ՃՏՊ Երևանում. 11–ամյա աղջիկ է մահացել, կան վիրավորներ

ԵՐԵՎԱՆ, 5 սեպտեմբերի. /Նովոստի–Արմենիա/. Երեքշաբթի խոշոր ու ողբերգական ավտովթար է տեղի ունեցել Երևանում։

Ժամը 13։00-ի սահմաններում Աճառյան փողոցում՝ Ֆորդ «Ֆորա» ՍՊԸ-ի դիմաց, բախվել են Opel, Hummer և Nissan մակնիշի ավտոմեքենաները։

Ինչպես տեղեկացնում է shamshyan.com կայքը, վթարի հետևանքով 11 տարեկան աղջիկ է տեղում մահացել` նրա գլուխը մարմնից կտրվել է, 2 մարդ էլ տեղափոխվել են «Սուրբ Գրիգոր Լուսավորիչ» բժշկական կենտրոն։

Դեպքի վայր են ժամանել Երևանի ՃՈ մեծ թվով աշխատակիցներ, Արտակարգ իրավիճակների նախարարության Փրկարար ծառայության Նոր Նորք և Ավան վարչական շրջանների թիվ 9 և 11 հրշեջ-փրկարարական ջոկատները։


Օպերատիվորեն ժամանել են նաև Ոստիկանության Նոր Նորքի բաժնի և Ոստիկանության Ավանի բաժանմունքի ծառայողները։

Ժամանել են նաև Ճանապարհային Ոստիկանության Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքի ծառայողները։

Փաստի առթիվ հարուցվել է քրեական գործ՝ ՀՀ քր.օր-ի 242 հոդվածի 2-րդ մասի հատկանիշներով`Ճանապարհային երթեւեկության եւ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ։

Պարզվում է վարորդների և մահացածի ինքնությունը։

Աղբյուրի տեղեկություններով, Hummer-ի վարորդը հանրությանը հայտնի «Գառնիի Սուրիկ Լավաշի» թոռն է։