Ողբերգական ավտովթար Երևան–Սևան ճանապարհին. Mercedes–ի վարորդը տեղում մահացել է

ԵՐԵՎԱՆ, 4 սեպտեմբերի. /Նովոստի–Արմենիա/. Այսօր՝ սեպտեմբերի 4-ին, խոշոր ու ողբերգական ավտովթար է տեղի ունեցել Կոտայքի մարզում։

Ժամը 03։30-ի սահմաններում Երևան-Սևան ավտոճանապարհի 33-րդ կմ հատվածում բախվել են Երևանի քաղաքի Էրեբունի վարչական շրջանի Խաղաղ Դոնի փողոցի բնակիչ 42-ամյա Արսեն Ավետիսյանի վարած Mercedes մակնիշի և Իջևան քաղաքի բնակիչ 25-ամյա Սերոբ Մովսիսյանի վարած ԿԱՄԱԶ մակնիշի ավտոմեքենաները, հաղորդում է shamshyan.com–ը։

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով։

Ըստ նախնական տեղեկություննրի՝ Mercedes-ի վարորդը բախվել է դեպի Երևան համընթաց ընթացող ԿԱՄԱԶ–ին, հաղորդում է կայքը։–0–