ԵՐԵՎԱՆ, 7 մայիսի./Նովոստի-Արմենիա/. Նախօրեին Հայաստանում ինքնասպանության երկու փորձ է եղել՝ Կոտայքի մարզի Նոր Հաճն քաղաքում և Երևանում, հաղորդում է ԱԻՆ փրկարար ծառայությունը:
Загружается новость ... "Лево"
Փրկարար ծառայության հաղորդմամբ, մայիսի 6-ին, ժամը 21:25-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին փորձում է ինքնասպանություն գործել՝ ցած նետվելով Երևանի Հաղթանակի կամրջից: Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Ոստիկանները կանխել են Սամվել Մ.-ի (ծնված 1981 թ.) ինքնասպանության փորձը: Վերջինս տեղափոխվել է ոստիկանության Կենտրոնի բաժին:
Նույն օրը՝ մայիսի 6-ին, ժամը 21:08-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին փորձում է ինքնասպանություն գործել՝ ցած նետվելով Կոտայքի մարզի Նոր Հաճնի կամրջից:
Դեպքի վայր են մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը և հոգեբանական աջակցության բաժնի հոգեբանական խորհրդատվության գծով հրահանգիչը: Պարզվել է, որ Արտավազդ Ա.-ն (ծնված 1985 թ.) անցել է կամրջի վտանգավոր եզրագիծը և սպառնում է ցած նետվել:
Ինքնասպանության փորձը կանխվել է ոստիկանության աշխատակիցների կողմից:-0-