Ոսկետափ գյուղում 62–ամյա տղամարդը տանն անզգուշությամբ թունաքիմիկատ է խմել ու ժամեր անց մահացել է

ԵՐԵՎԱՆ, 21 հոկտեմբերի./Նովոստի–Արմենիա/. Ողբերգական դեպք է տեղի ունեցել հոկտեմբերի 19–ին Ոսկետափ գյուղում։

Հոկտեմբերի 19-ին, ժամը 19.40-ին, «Վեդի» բժշկական կենտրոնից հաղորդում է ստացվել, որ շտապօգնության մեքենան կանչով մեկնել է Ոսկետափ գյուղ՝ 62-ամյա մի տղամարդու բուժօգնություն ցույց տալու, սակայն հիվանդանոցի ճանապարհին նա հանկարծամահ է եղել, հաղորդում է ՀՀ ոստիկանության մամուլի ծառայությունը:

Ոստիկանության Արտաշատի բաժնից մեկնած օպերատիվ խումբը պարզել է, որ նույն օրը, ժամը 18.30-ի սահմաններում, տղամարդը տանը անզգուշությամբ խմել է թունաքիմիկատ:

Հանգամանքները պարզվում են, նախապատրաստվում են նյութեր:–0–