Վանաձորում 24–ամյա աղջիկը թունավորվել է` լոգանք ընդունելիս

ԵՐԵՎԱՆ, 26 սեպտեմբերի./Նովոստի–Արմենիա/. Վանաձորում 24–ամյա աղջիկը թունավորվել է` լոգանք ընդունելիս։

ՀՀ ոստիկանության մամուլի ծառայության հաղորդմամբ, սեպտեմբերի 25-ին, ժամը 22.25-ին, հիվանդանոցից ոստիկանության Բազումի բաժին հաղորդում է ստացվել, որ «թունավորում շմոլ գազով» ախտորոշմամբ իրենց մոտ է ընդունվել Վանաձորի 24-ամյա բնակչուհի, ով թունավորվել է իրենց տան լոգարանում
«Մեկնած օպերատիվ խմբին քաղաքացուհու տատը բացատրություն է տվել, որ թոռնուհին թունավորվել է նույն օրը, ժամը 21.30-ի սահմաններում, լոգանք ընդունելիս: Նախապատրաստվում են նյութեր», – նշվում է գերատեսչության հաղորդմամբ:–0–