ԵՐԵՎԱՆ, 22 հունվարի./Նովոստի–Արմենիա/. Վերջերս Պրահայում Lamborghini Carbonado Aventador մակնիշի մեքենա է այրվել, որն արժե 1,6 մլն դոլար։
Ինչպես հաղորդում է luxurylaunches.com–ը, դեպքը տեղի է ունեցել Պրահայի ավտոթունելներից մեկում:
Mansory ավտոսալոնի մասնագետները կատարելագործել են մեքենան`տեղադրելով 1250 ձիաուժ հզորությամբ երկտուրբո շարժիչ, որի արձակած ահռելի տաքության հետևանքով թանկարժեք մեքենան հրկիզվել է ու վերածվել մետաղե ջարդոնի:
Աղբյուրը նաև նշում է, որ սովորական Aventador-ն ունի 690 ձիաուժ հզորություն և ավելի քիչ տաքություն է արտադրում:
Մասնագետները պարզել են, որ հրդեհը տեղի է ունեցել տեխնիկական խոտանի հետևանքով։ Այն պատճառել է 220 000 դոլարի վնաս:
Նշվում է նաև, որ աշխարհում արտադրվել է 1,6 մլն դոլար արժողությամբ Carbonado Aventador-ների վեց օրինակ, և դրանցից մեկն արդեն ամբողջությամբ այրվել է:–0–
Տեսանյութն ու լուսանկարները դիտել հետևյալ հղումով