ԵՐԵՎԱՆ, 6 փետրվարի./Նովոստի–Արմենիա/. Մոսկվայում 11–ամյա աղջիկն ինքնագլորով հարվածել է իրեն հետապնդած մանկապիղծ ոստիկանին, հաղորդում է lenta.ru–ն` հղում անելով «Московский комсомолец»–ին։
Հրատարակության տվյալներով, միջադեպը տեղի է ունեցել Մոսկվայի հյուսիսում գտնվող շենքերից մեկում։ 11–ամյա աղջիկը զբոսանքից վերադարձել է տուն և մտել վերելակ անծանոթ տղամարդու հետ։ Վերելակում տղամարդը սկսել է հանել վարտիքն ու փորձել է սեռական ոտնձգություն անել դպրոցական աղջկա նկատմամբ, սակայն աղջիկն իրեն չի կորցրել և ինքնագլորով հարվածել է տղամարդու սեռական օրգանին։
Տղամարդը հայտնվել է անսպասելի իրավիճակում ու հայտնվել աստիճանավանդակի մոտ, իսկ աղջիկը սեղմել է վերելակի կոճակն ու բարձրացել իր հարկ։ Նա ամեն ինչ պատմել է մայրիկին, վերջինս ոստիկանություն է կանչել։
Մանկապղծին գտել են տեսահսկման սարքերի միջոցով։ Պարզվել է, որ նա ծառայում է ՆԳՆ մերձմոսկովյան գլխավոր վարչության զանգվածային միջոցառումների ժամանակ հասարակական կարգի պահպանման գնդում և այդ օրը վերադառնալիս է եղել Նովայա Իպատովկա փողոցում գտնվող գերատեսչության հիվանդանոցից: Աշխատակիցը ստուգումներ է անցել ու այցելել հոգեբույժի: Բժիշկները նրան լիովին առողջ և ծառայությանը պիտանի են ճանաչել:
Միջադեպից հետո ոստիկանին ազատել են աշխատանքից, նրա նկատմամբ հարուցվել է քրեական գործ սեքսուալ բնույթի բռնի գործողությունների հատկանիշով։ Նա դատապարտվել է վեց տարվա ազատազրկման։–0–